Տեսանյութ. Հոգեկան առողջության ոլորտի հետ կատակել չի կարելի, հոգեկան առողջության հիմնախնդիրները անտեսել չի կարելի
Հայացք մամուլի ակումբում Հայկական հոգեբուժական ասոցիացիայի նախագահ, Համաշխարհային հոգեբուժական ասոցիացիայի պատվավոր անդամ Արմեն Սողոյանը, ՀՀԱ պատասխանատու քարտուղար, ԵՊԲՀ բժշկական հոգեբանության ամբիոնի վարիչ, Ինթրա հոգեկան առողջության կենտրոնի կլինիկական ղեկավար, գլխավոր հոգեբան Խաչատուր Գասպարյանը և Խ Աբովյանի անվան ՀՊՄՀ-ի գիտահետազոտական կենտրոնի տնօրեն, սուիցիդոլոգ (ինքնասպանագետ), հոգեբանական գիտությունների դոկտոր, պրոֆեսոր Կամո Վարդանյանը խոսեցին հոգեկան առողջության միջազգային օրվա
խորհրդի,
հոգեկան առողջության առաջխաղացման և սուիցիդների (ինքնասպանությունների) կանխարգելման մասին:Հոգեկան առողջության համաշխարհային
միության և Առողջապահության համաշխարհային կազմակերպության (ԱՀԿ) նախաձեռնությամբ`
1992 թվականից հոկտեմբերի 10-ը նշվում է՝ որպես Հոգեկան առողջության համաշխարհային
օր:
Այս տարվա կարգախոսն է՝ հոգեկան առողջության
առաջխաղացում և սուիցիդների՝ ինքնասպանությունների կանխարգելում:
Արմեն Սողոյանը նշեց, որ այս տարի
նույնպես Հայկական հոգեբուժական ասոցիացիան հոկտեմբերի 10-ից մինչև նոյեմբերի 10-ը
հայտարարում է հոգեկան առողջության միամսյակ. «Ասոցիացիան միամսյակի շրջանակներում
մասնավոր հոգեբուժական և հոգեկան առողջության ծառայություններ մատուցող կազմակերպություններին կոչ է արել այսօր բոլոր այցելուներին սպասարկել
անվճար, հետո նաև 20 տոկոս զեղչով: Այդ կազմակերպություններից են՝ «Ալֆա Բետտա» հոգեբուժական
կլինիկան, «Այգ» հոգեբանական կենտրոնը, «Ինթրա» հոգեկան առողջության կենտրոնը, հոգեկան
առողջության ծառայությունը, Հոգեսոցիալական կարգավորման կենտրոնը, «ՄԵՓԼ ԼԻՖՍ» հայ կանադականբժշկական կլինիկան, Վահան Սիմոնյան Ա/Ձ-ն»,-նշեց Արմեն Սողոյանը, հավելելով, որ հոգեկան առողջությունը միայն հոգեկան խանգարումների բացակայությունը չէ, այն մարդու ֆիզիկական, հոգեկան, սոցիալական լավակեցությունն է, որը նրան հնարավորություն է տալիս կյանքից առավելագույն հաճույք ստանալ, ինքնադրսևորվել, սեփական կյանքի հետ կապված որոշումներ ընդունել, իրականացնել դրանք:
Ամբողջական ասուլիսը Hayacq.com-ի
տեսանյութում
