Հեղափոխությունը միայն ձերը չէ.վերջ տվեք զոմբիական հրահանգներ տալուն. Զոհրաբյանը՝ իշխանություններին
Մենք չենք պայքարում հեղափոխության դեմ, այն միայն ձերը չէ, մի փորձեք սեփականաշնորհել հեղափոխությունը: Այս մասին Ազգային ժողովում, դիմելով իշխանություններին, հայտարարեց ԲՀԿ-ական պատգամավոր Նաիրա Զոհրաբյանը՝ կոչ անելով հանրությանը չդարձնել ամբոխ, սոցիալական ցանցերում զոմբիական հրահանգներ չտալ, որ զոմբիի նման հարձակվեն, իբր հարձակում է եղել հեղափոխության դեմ:Զոհրաբյանի խոսքերով, Ազգային ժողովը հարթակ է, որտեղ պետք է բանավիճել, ոչ թե դակել ու առաջ գնալ, ինչը իրեն հիշեցնում է ոչ վաղ անցյալը:
Այսօր խորհրդարանական մեծամասնությունը մերժեց օրակարգ ընդգրկել ԲՀԿ-ականների նախագիծը, որի համաձայն զինծառայողները պետք է 5-ի փոխարեն 12 ամիս պատրաստություն անցնեին մարտական հերթապահության անցնելուց առաջ:
