Ռոնալդինյոյի նախկին կինը մեղադրել է իրեն բռնության ենթարկելու համար
Բրազիլացի հայտնի ֆուտբոլիստ Ռոնալդինյոյի նախկին կինը՝ Պրիսցիլլա Կոելյոն, դատի է տվել ֆուտբոլիստին։ Կինը մեղադրել է նախկին ամուսնուն՝ 2018-ի դեկտեմբերին իրեն ծեծի ենթարկելու համար։ «Ցավոք, ոստիկանություն չզանգահարեցի այդ ժամանակ: Այգում վեճի ժամանակ նա ուժեղ հրեց ինձ, ես ընկա և 2 ժամ անցկացրի այգում՝ լաց լինելով և չհավատալով կատարվածին: Դրանից հետո մտածում էի, որ կարող ենք խոսել ու լուծել բոլոր խնդիրները, չէ որ 6 տարի միասին ենք եղել: Բայց ես սխալվում էի»,- նշել է կինը։
Ռոնալդինյոյի փաստաբան Սերխիո Կուերոսը հերքել է տարածված լուրերը՝ հայտարարելով, որ ֆուտբոլիստի նկատմամբ դատական հայցի մասին տեղեկություն չի ստացել:
