Ես ուղղակի շշմում եմ.Ես կարծում եմ, որ իմ սեյֆից 27 հազարը վերցրել են շոկից
Վերաքննիչ դատարանում քննվում է ՀՀ երկրորդ նախագահ Ռոբերտ Քոչարյանի գույքի վրա դրված կալանքի վերաբերյալ դատախազության բողոքը:Իր խոսքում երկրորդ նախագահը նշեց, թե հաճելի էր տեսնել, թե ինչպես դատախազությունը չպատասխանեց դատարանի հարցերին. «Ինձ թվում է, որ դատախազությունը, բացի մեղադրելուց, պետք է հետևի օրինականությանն ու իրավունքները պաշտպանի: Պարզվում է, որ նրանք մեկ ֆունկցիայի մասին ուղղակի մոռացել են»:
«Ընթացքում մենք քննիչին բազմաթիվ անգամներ ասել ենք իրավախախտումների մասին, բայց ամեն անգամ չի եղել արձագանք: Իմ գրասենյակից առգրավել են փաստաթղթեր, որոնք վերաբերում են գույքի օրինականությանը, թե ես գումարները որտեղից ու ինչպես եմ ստացել: Չեմ հասկանում, թե ինչու են այդ փաստաթղթերը տարել: Ես տպավորություն ունեմ, որ սա պրակտիկա է, որը Հայաստանում գոյություն ունի, քանի որ այս ամեն ինչն այնքան սովորական է արվում, որ ես ուղղակի շշմում եմ, թե ինչպես կարելի է օրենք խախտել ու այսպես արձագանքել: Զարմանալի է օրինակ կենսաթոշակի հարցում: Լավ, ես պետք է ծախսեր անեմ, պաշտպանեմ ինձ, ինչո՞ւ են այնպես անում, որ ես, ունենալով հնարավորություն, օգտվեմ բարեկամների միջոցներից: Արձագանքը նույնն է: Ենթադրում եմ, որ սա պրակտիկա է: Մարդկանց զրկում են պաշտպանելու հնարավորությունից, խեղճացնելու համար»,-ասաց Քոչարյանը:
Ես կարծում եմ, որ իմ սեյֆից 27 հազարը վերցրել են շոկից: Այս մասին դատարանում հայտարարեց ՀՀ երկրորդ նախագահ Ռոբերտ Քոչարյանը:
Վերաքննիչ դատարանում քննվում է ՀՀ երկրորդ նախագահ Ռոբերտ Քոչարյանի գույքի վրա դրված կալանքի վերաբերյալ դատախազության բողոքը:
«Երբ քննիչը սեյֆը բացեց ու տեսավ, որ 4 միլիարդ չէ, այլ ընդամենը 27 հազար…»,-ասաց Քոչարյանը:
Այստեղ դատարանը միջամտեց՝ հայտարարելով, որ պետք չէ այդպես խոսել, մարդիկ իրենց աշխատանքն են կատարում, ինչպես Քոչարյանի պաշտպանը. «Ես ուղղակի հորդորում եմ Ձեզ իրավական շրջանակներից դուրս չգալ»:
«Կարծում եմ, որ ամեն դեպքում դատարանն այն տեղն է, որտեղ մարդն իրավունք ունի ասելու իր կարծիքը, իրավունք ունի օգտագործելու այն բառապաշարը, որը նորմատիվ լեքսիկայի շրջանակներում է: Ես չեմ կարծում, թե մի բան եմ ասել, որն այդ շրջանակներից դուրս է: Խնդրում եմ հարգել արտահայտվելու իմ իրավունքը: Արդեն մեկ տարի է իմ իրավունքներն ոտնահարվում են լկտի ձևովով: Ես իրավունք ունեմ այդ մասին բարձրաձայնելու»,-ասաց նախագահը:
Դատավորն ասաց, որ դատարանը հարգում է բոլորի իրավունքները, իսկ մնացած առումներով պետք է ամեն ինչ լինի իրավունքի շրջանակներում:
Դատարանը կողմերին լսելուց հետո հեռացավ խորհրդակացական սենյակ, որոշումը կհրապարակվի այսօր 16:30-ին:
