Սև ծովում փոթորիկ է. լողալն արգելվում է
Վրաստանում Հայաստանի դեսպանությունից հայտնում են, որ Սև ծովի վրացական ափերին 3-4 բալանոց փոթորիկ է. լողալն արգելվում է:«Ինչպես հայտնում են Վրաստանի ՆԳՆ արտակարգ իրավիճակների կառավարման ծառայության մեր գործընկերները, Սև ծովի առափնյա հատվածում 3-4 բալ ուժգնությամբ փոթորիկ է:
Ժամանակավորապես արգելվում է ծով մտնել։
Հաշվի առնելով վտանգավորության աստիճանը՝ խորհուրդ ենք տալիս հեռու գտնվել առափնյա հատվածից»,- ասված է հայտարարության մեջ։