Տեսանյութ. Եթե մեղադրանքը հաստատվի, հայուհուն 3 տարվա ազատազրկում է սպասվում, նաև արտաքսում Եգիպտոսից
Եգիպտոսում ազգությամբ հայ պարուհու՝ Սոֆինար Գրիգորյանի նկատմամբ դատական գործ է հարուցվել: Պարուհին, ով հայտնի է Սոֆինազ (Sofinaz) անունով, մեղադրվում է «այլասերման դրդելու մեջ»: Ինչպես հայտնում է բրիտանական Daily Mail-ը, պատճառը լողափերից մեկում Սոֆինազի պարային կատարումն է եղել: Պորտապարի ժամանակ նրան է միացել բիկինիով մի աղջիկ, որի հետ Սոֆինարը պարային մի քանի շարժում է կատարել:Տեսանյութը համացանցում հայտնվելուց հետո Եգիպտոսի գրաքննության խարհուրդը մեղադրել է պարուհուն այլասերման դրդելու մեջ: Սոֆինազը նշել է, որ ինքը մշտապես հետևել և պահպանել է էթիկայի նորմերը, երբեք չի պարել մերկ, իսկ պարի ժամանակ իրեն միացած աղջկա գործողությունների համար պատասխանատու չէ:
Եթե մեղադրանքը հաստատվի, ապա Սոֆինազը կարող է մինչև 3 տարվա ազատազրկման դատապարտվել, որից հետո նրան կարտաքսեն երկրից:
Նշենք, որ 2015 թվականին նա դատապարտվել էր կես տարվա ազատազրկման և վճարել 15000 եգիպտական ֆունտ (մոտ 900 դոլար) տուգանք այն բանի համար, որ պարի ժամանակ կրած զգեստը նման է եղել Եգիպտոսի դրոշին:
Տեսանյութը դիտեք այստեղ
