18:01 - Կհասցնի՞ Նիկոլ Փաշինյանը, մինչև անդառնալիության կետը բեկումնային և արդյունավետ դարձնել իր կառավարումը         17:17 - Դատարանը հրապարակում է Քոչարյանի նկատմամբ գրավ կիրառելու հարցով որոշումը (ուղիղ)      16:56 - Ադրբեջաներենը՝ Վրաստանի հայալեզու դասագրքերում. «Ալիք Մեդիա»    

20 օգոս 2019 11:32

Այն կանչերը, որոնք կարիք չունեն շտապ հասնելու տուն պետք է տեղափոխվեն պոլիկլինիկական օղակ. Արսեն Թորոսյան

‹‹Կանչերի և պոլիկլինիկաների մասով համագործակցությունը պետք է ուժեղացվի, որպեսզի այն կանչերը, որոնք կարիք չունեն շտապ հասնելու տուն, տեղափոխվեն պոլիկլինիկական օղակ՝ սովորական այցելության››,-այսօր լրագրողների հետ ճեպազրույցում ասաց ՀՀ Առողջապահության նախարար Արսեն Թորոսյանն ու ավելացրեց, որ այս կերպ հիվանդն իր ոտքով գնալու է պոլիկլինիկա կամ տնային կանչը լինելու է պոլիկլինիկայից:
Առողջապահության նախարարն ասել է, որ շտապօգնության կանչերի չհասնելու պատճառը չհիմնավորված կանչերն են:
Թորոսյանը նաև նշել է, որ կանչերի հետ կապված կա մեկ այլ խնդիր՝ մարզերից զանգահարելիս հաճախ քաղաքացիները կապ են հաստատում Երևանի շտապօգնության ծառայության և ոչ թե իրենց տեղի ծառայության հետ:
‹‹Հնարավոր է ինչ-որ մեկը Եղեգնաձորից զանգի 1-03 և ընկնի Երևան կամ Վայքի բժշկական կենտրոնի շտապօգնության կայան: Սա շատ սխալ է, հետո իրար հեռախոսի համարներ են փոխանցում, ասում են գիտեք սխալ տեղ եք ընկել, զանգահարեք մեկ այս համարով: Մեր ցանկությունն է, որ այստեղ կենտրոն լինի և մեկ հպումով զանգը փոխանցվի մարզային կենտրոն կամ միանգամից կանչը փոխանցվի: Այդ ամենը հիմա գծագրվում է››,-հայտնեց նախարարը:

Մեկնաբանություններ

Համընկնող լուրեր