Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ          Տեսանյութ.Արա, դուք վախեցած եք,Ճիշտ եք անում, որ վախենում եք.պահը մոտենում է.ինչ պլանավորել ենք, անելու ենք       Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս    

02 սեպ 2019 14:00

Դադարեցրե՛ք վտանգավոր դարձող կեղծ անկախությանը նվիրված խոսքերն ու գործողությունները

Սասնա Ծռեր կուսակցությունը հանդես է եկել հայտարությամբ ,որում մասնավորապես ասված է.
«Այսօր՝ սեպտեմբերի 2-ին, մեզ պարտադրված՝ Արցախի կեղծ անկախության 28-րդ տարելիցն է։ Արդեն 28-րդ անգամ ստիպված ենք տեսնել և լսել տարեցտարի ոչ միայն ավելի ժամանակավրեպ, այլև վտանգավոր դարձող կեղծ անկախությանը նվիրված խոսքերն ու գործողությունները։ Նման ինքնաոչնչացնող ինքնախաբեությունն այլևս չի կարելի հանդուրժել։
Անընդունելի է, որ այսօր, Ստեփանակերտի Վերածննդի հրապարակում "Միացում"-ը պետական օրակարգ վերադարձնելու հայտարարությունից մեկ ամիս չանցած՝ ՀՀ վարչապետ Նիկոլ Փաշինյանը ֆեյսբուքյան երկիմաստ գրառումով փաստացի շնորհավորում է Արցախի կեղծ անկախությունը, իսկ Ազգային ժողովի նախագահ Արարատ Միրզոյանը Ստեփանակերտում մասնակցում է կեղծ անկախությանը նվիրված միջոցառումներին։ "Միացում"-ը ՀՀ-ի հիմնական ռազմավարական հարցն է։
Դրա նկատմամբ վերաբերմունքով է որոշվում իշխանության ազգային կամ ապազգային լինելը։ Կողմնորոշվելու և ժողովրդի հետ անկեղծ լինելու ժամանակն է. կամ Միացում, կամ՝ հավատարմություն օտարի պարտադրած կեղծ անկախությանը։ Իրենց ազգային համարող բոլոր քաղաքական և հասարակական ուժերին, բոլոր հանրային գործիչներին և համայն հայությանն ու ՀՀ բոլոր քաղաքացիներին կոչ ենք անում հետ կանգնել մեր տունը կիսելու, Արցախի կեղծ անկախության գաղափարը կամա թե ակամա քարոզելու ինքնաոչնչացնող սովորույթից։
Մեր ազգային օրակարգի հիմնական հարցը "Միացում"-ն ավարտին հասցնելն է։
Արցախը ՀՀ մի մասն է և վե՛րջ»։


Մեկնաբանություններ


Համընկնող լուրեր