«Նուբարաշեն» ՔԿՀ-ում «պրագոն» է արվել, որ իրավիճակ վերահսկող՝ «պալաժենի» չկա այս պահին ու ոչ մեկը ոչ մի հարցով չդիմի
Գիշերը «Նուբարաշեն» ՔԿՀ-ում հանգիստ է անցել։ Միայն մեկ՝ 4-րդ հարկում պահվող դատապարտյալներն էին աղմկում՝ պահանջելով դեղորայք, բուժսպասարկում։ Այս մասին հայտնում է Առավոտը:Այստեղ ի թիվս այլոց՝ պահվում են առավել վտանգավոր վարքագիծ ունեցող դատապարտյալները, որոնք ապրում են «գողական» բարքերով։
ՔԿՀ-ում «պրագոն» է արվել, այսինքն՝ զգուշացվել է, որ իրավիճակ վերահսկող՝ «պալաժենի» չկա այս պահին ու ոչ մեկը ոչ մի հարցով չդիմի։
Ըստ լրատվամիջոցի աղբյուրի՝ կալանավայրերում եթե դատապարտյալները վարչակազմից ինչ-որ բան են պահանջում, ասենք՝ օրենքով նախատեսված գույք, դեղ եւ այլն, դրանք չլինելու դեպքում հարցին խառնվում են «զոն նայողները»՝ հորդորելով դատապարտյալին հանգիստ ու չափի մեջ մնալ։
Ըստ որոշ տեղեկությունների՝ «Արթիկ» ՔԿՀ-ում պատիժ կրող քրեական հեղինակությունները պատժախուց են տեղափոխվել։
Նույն «պրագոնը» նաեւ այստեղ եւ «Հրազդան» ՔԿՀ-ներում է արվել։ Մեր տեղեկություններով՝ մնացած բոլոր կալանավայրերում իրավիճակը շատ հանգիստ է։
