19:09 - էս տեսակ հայրենիքը սիրելու բան չէ         18:00 - Արթուր Վանեցյանը՝ իր և Գագիկ Ծառուկյանի հանդիպման վերաբերյալ լուրերի մասին      17:34 - Հեռանում եմ առանց ավելորդ աղմուկի.Հոգնել եմ ճնշող մաղձից . Ժակը հայտնել է հեռանալու մասին    

09 սեպ 2019 10:37

Ո՞ր նշաններով հնարավոր է կասկածել գլխի եւ պարանոցի քաղցկեղը

Գլխի եւ պարանոցի քաղցկեղային հիվանդությունները սովորաբար ախտորոշվում են շատ ուշ, ինչը զգալի չափով կրճատում է բուժման շանսերը: Խնդիրն այն է, որ այդ հիվանդությունների ախտանշանները վառ արտահայտված չեն, եւ մարդիկ տեւական ժամանակ ուշադրություն չեն դարձնում դրանց:
Գլխի եւ պարանոցի չարորակ ուռուցքներն ամենից հաճախ հայտնվում են քթի խոռոչում, բերանի խոռոչում, կոկորդում: Ինչպես նաեւ հնարավոր են լեզվի եւ թքագեղձերի քաղցկեղային հիվանդություններ:
Հատկանշական է, որ այդ հիվանդությունները երեք անգամ ավելի հաճախ հանդիպում են տղամարդկանց շրջանում: Համարվում է, որ դա կապված է այն հանգամանքի հետ, որ տղամարդիկ ավելի հաճախ եւ մեծ քանակությամբ են ծխում եւ օգտագործում ոգելից խմիչքներ, ինչպես նաեւ ավելի քիչ են հետեւում բերանի խոռոչի խնամքին:
Ո՞ր նշաններով հնարավոր է կասկածել գլխի եւ պարանոցի քաղցկեղը:
Մասնագետների խոսքով՝ ուշադրություն պետք է դարձնել հետեւնալ ախտանշաններին.
Բերանի տհաճ հոտ: Իհարկե, դա կարող է վկայել բազմաթիվ հիվանդությունների մասին, այդ թվում՝ աղեստամոքսային, սակայն անտեսել այդ ախտանշանն ամեն դեպքում չարժե:
Բերանի խոռոչում եւ լեզվի վրա փոքր խոցերը եւս մեկ ախտանիշ են, որի դեպքում խորհուրդ է տրվում դիմել բժշկի:
Մաշկի վրա հայտնված կոնաձեւ կոշտուկները եւս կարող են լինել քաղցկեղային գոյացություններ, այդ իսկ պատճառով խորհուրդ է տրվում դրանք ցույց տալ բժշկին:
Մշտական կոկորդացավը եւս կարող է տարբեր հիվանդությունների ախտանշան համարվել: Եթե կոկորդի ցավը տեւական ժամանակահատվածում չի անցնում, ցանկալի է այն այցելել բժշկի:
Թքի մեջ արյունոտ արտազատուկների առկայությունը մեկ այլ տագնապային նշան է, որի դեպքում անհրաժեշտ է անհապաղ դիմել բժշկի:


Մեկնաբանություններ

Համընկնող լուրեր