Տեսանյութ. Գեղարքունիքի մարզում հայտնաբերվել է որպես անհայտ կորած որոնվող 15-ամյա աղջնակի դին
SHAMSHYAN.com-ի տեղեկություններով՝ քիչ առաջ ոստիկանության Գեղարքունիքի մարզային քննչական վարչության, ոստիկանության Վարդենիսի բաժնի մի քանի ստորաբաժանումների ծառայողներ՝ ոստիկանության Գեղարքունիքի մարզային վարչության պետի օպերատիվ և ծառայության գծով տեղակալներ Պետրոսյանի, Կիրակոսյանի և Վարդենիսի ոստիկանության պետ Սամվել Գալստյանի գլխավորությամբ և արտակարգ իրավիճակների նախարարության փրկարար ծառայության Գեղարքունիքի մարզային փրկարարական վարչության ճգնաժամային կառավարման կենտրոնի և Վարդենիսի հրշեջ-փրկարարները մեծ թվով գյուղացիների հետ հայտնաբերել են Կուտական գյուղի բնակիչ՝ 15-ամյա աղջնակի դին։Դին հայտնաբերվել է Կուտական գյուղից դեպի Կախակն գյուղի հարակից տարածքի սարալանջի հատվածում։ Այս պահին դեպքի վայր են ժամանում Հայաստանի քննչական կոմիտեի Գեղարքունիքի մարզային քննչական վարչության խումբը։
Ինչպես ավելի վաղ հայտնել էր SHAMSHYAN.com-ը, սեպտեմբերի 8-ին, ժամը 08:30-ից Գեղարքունիքի մարզի Կուտական գյուղի 15-ամյա աղջնակի որոնողական աշխատանքները վերսկսվել էին: Աշխատանքներին ներգրավված էին ոստիկանության Գեղարքունիքի մարզային վարչության, ոստիկանութան Վարդենիսի բաժնի մի քանի ստորաբաժանումների ծառայողներ՝ Վարդենիսի ոստիկանության պետ Սամվել Գալստյանի գլխավորութամբ:
Մասնակցում էին նաև արտակարգ իրավիճակների նախարարության փրկարար ծառայության Գեղարքունիքի մարզային փրկարարական վարչության ճգնաժամային կառավարման կենտրոնի և Վարդենիսի հրշեջ-փրկարարական ջոկատների մեծ թվով աշխատակիցներ, ինչպես նաև Սոթքի ոսկու հանքի աշխատակիցներն ու Կուտական գյուղի մեծ թվով գյուղացիներ՝ գյուղապետի գլխավորությամբ:
Նախօրեին որոնողական աշխատանքներում օգտագործվել էր դրոն, իսկ նհաջորդ օրը որոնողական աշխատանքները կատարվել էին մի քանի կիլոմետր շառավղով, որտեղ կային խոտի դեզեր, ջրատարներ, ջրախողովակներ, անգամ ստուգվել էին այն սեփական տները, որտեղ մարդիկ չէին բնակվում:
Ոստիկանները հայտնաբերել էին տների սեփականատերերին, հեռախոսով կապ հաստատել ու խնդրել էին՝ տերերը կամ նրանց բարեկամները ժամանեն գյուղ, որպեսզի հնարավոր լինր առանց արտաքին միջամտության տան ներսում ստուգումներ կատարել:
