19:08 - Ժողովրդին մեղքերի թողություն պետք չէ, պարտքերի թողություն է պետք         17:15 - Աղմկոտ հայտարարություն Ստեփանակերտում. Փաշինյան-Սահակյան հանդիպում Երեւանում      16:55 - Չեմ կարծում, որ մեր փողոցներում պետք է մեր ղեկավարների խոսքերը փակցնենք.Սա ո՛չ Սովետական միությունն է, ո՛չ Կիմ Չեն Ինի Կորեան    

03 հոկ 2019 14:24

Ազգությամբ հայ,«Աերոֆլոտ»-ի գլխավոր տնօրենի տեղակալ Վլադիմիր Ալեքսանդրովը Մոսկվայում ձերբակալվել է խարդախության կասկածանքով

Մոսկվայի Բասմանի դատարանը հոկտեմբերի 2-ին իրավաբանական գործարքներ կնքելիս խարդախության կասկածանքով ձերբակալել է «Аэрофлот» ավիաընկերության գլխավոր տնօրենի տեղակալ Վլադիմիր Ալեքսանդրովին:

Նրան մեղադրանք է առաջադրվել առանձնապես խոշոր մասշտաբների յուրացման հոդվածով:
Նրա հետ ձերբակալվել են նաև փաստաբաններ Դինա Կիբեցը, Ալեքսանդր Սլիվկոն և ավիաընկերության իրավաբանական բաժնի նախկին ղեկավար Տատյանա Դավիդովան:
 
Հետաքննության համաձայն՝  «Аэрофлот»-ի գլխավոր տնօրենի տեղակալը 2016-2017 թվականներին իրավաբանական ծառայություններ մատուցելու պայմանագրով անհիմն կերպով փոխանցել է 250 միլիոն, այնուհետև այդ գումարները գողացվել են:
Ավիաընկերության գործընկերը դարձել է մի փաստաբանական ընկերություն, որտեղ աշխատում էին Դինա Կիբեցը և Ալեքսանդր Սլիվկոն, որոնց վճարվել է ժամում 350 եվրո, չնայած՝ նրանք չեն կատարել իրենց աշխատանքը:
Ըստ БФМ.РУ -ի հրապարակման՝ Վլադիմիր Ալեքսանդրովը Ուզբեկստանից է և ազգությամբ հայ: Նշվում է, որ 2004-ին նա փոխել է հայկական անուն-ազգանունը՝ Արմեն Աբալյան՝ դառնալով Վլադիմիր Ալեքսանդրով:

Մեկնաբանություններ

Համընկնող լուրեր