10:30 - Գեւորգ Կոստանյանը պատրաստվում է հիմնովին ջախջախել Հրայր Թովմասյանի դեմ քրգործը, որը հարուցվել է երեկ. «Հրապարակ»         10:17 - Լուրջ թերություններ չեն եղել, այլապես մենք կկորցնեինք Մարտակերտը, Թալիշը.«168 Ժամ»      10:00 - «Զախվատ» օպերացիա ընդդեմ Վանեցյանի. Ծեծելով ցուցմունք են կորզել.«Հրապարակ»    

05 հոկ 2019 11:37

Բժիշկները նորածնին սպանել են սառցախցիկում՝ փաստաթղթային սխալը կոծկելու համար՝սխալմամբ գրանցել են որպես մեռելածին

Ղազախստանի Աթիրաու քաղաքի ծննդատան բժիշկներին կասկածում են նորածնի միտումնավոր սպանության համար: Հետաքննության տվյալներով՝ բուժհաստատության աշխատակիցները ծննդկաներից մեկի ծննդալուծությունից հետո նրա երեխային անփութաբար գրանցել են որպես մեռելածին, չնայած որ երեխան կյանքի նշաններ է ցույց տվել: Եվ բժիշկները, փոխանակ անհապաղ միջոցներ ձեռնարկելու ու երեխայի կյանքը փրկելու, գործել են ըստ իրենց ձևակերպած փաստաթղթերի: Նրանք դեռևս ողջ նորածնին դրել են սառնարանային խցիկ, որտեղ էլ նա մահացել է:
Հաղորդվում է, որ հանցանքի դրդապատճառներից մեկն էլ այն է եղել, որ տվյալների բազա մուտք գործած տվյալները այլևս անհնար է եղել շտկել:
Ավելի վաղ հայտնել էինք, որ օրերս ծննդաբերած Հայկուհի Խաչատրյանի հավաստիացումներով՝ Պերինատոլոգիայի, մանկաբարձության և գինեկոլոգիայի ինստիտուտի («Հանրապետական ծննդատուն») տնօրեն Ռազմիկ Աբրահամյանն և մանկաբարձ Ռուզաննա Քեհյանը վաճառել են իր տղա երեխային, իսկ իրեն խաբել են, թե նա մահացել է: Ոչ երեխան, ոչ նրա դին մինչ օրս չի հայտնաբերվել: Երեխան ծնվել է սեպտեմբերի 24-ին:

Մեկնաբանություններ

Համընկնող լուրեր