Դավիթ Տոնոյանն ազատվե՞լ է նախարարի պաշտոնից
.jpg)
Irakanum.am-ի ունեցած տեղեկություններով ՀՀ վարչապետ Նիկոլ Փաշինյանը քիչ առաջ կառավարությունում հանդիպում է ունեցել Պաշտպանության նախարարԴավիթ Տոնոյանի հետ, և տեղեկացրել, որ վերջինս ազատվում է զբաղեցրած պաշտոնից:Փաշինյանը համապատասխան որոշումն արդեն իսկ ուղարկել է նախագահ Արմեն Սարգսյանին: Կայքին հասած տեղեկություններով՝ Դավիթ Տոնոյանի ազատման մասին պաշտոնապես կհայտարարվի օրվա ընթացքում:
***
Ոչ մի բան չեմ կարող ասել, ես աշխատավայրում եմ: Այս մասին Tert.am-ի հետ զրույցում ասաց ՀՀ պաշտպանության նախարար Դավիթ Տոնոյանը՝ պատասխանելով հարցին, թե արյդոք իրականությանը համապատասխանում են այն տեղեկությունները, որ ինքն ազատվել է պաշտոնից:
Նախարարը նախ ճշտեց, թե որտեղից կա նման նման տեղեկություն, պատասխանին, թե մամուլն այդ մասին տևական ժամանակ է՝ գրում է, ու հրապարակում է արված, Դավիթ Տոնոյանն ասաց. «Ես ոչ մի բան չեմ կարող ասել, բայց ես աշխատում եմ, այս պահին էլ աշխատավայրում եմ»:
***
Քիչ անց Նիկոլ Փաշինյանը լրագրողների խնդրանքով մեկնաբանեց պաշտպանության նախարար Դավիթ Տոնոյանին աշխատանքից ազատելու մասին լուրերը: «Անհեթեթ լուրեր են»,- հայտարարեց Փաշինյանը: Այլ հարցերի վարչապետը չպատասխանեց:
