Տեսանյութ. «Զգուշացեք, Սոբչակն է» հարցազրույցի ժամանակ Մարգարիտա Սիմոնյանը չի ցանկացել նյարդայնանալ և հեռացել է սենյակից
Սովորաբար, ՌԴ հաղորդավարուհի Քսենյա Սոբչակը հարցազրույց է վարում ռուսական շոու բիզնեսի ներկայացուցիչների հետ, սակայն վերջերս հաղորդավարուհին փորձել է շփվել հայտնի լրագրող, RT հեռուստաալիքի գլխավոր խմբագիր Մարգարիտա Սիմոնյանի հետ, գրում է woman.ru-ն:Հոկտեմբերի 30-ին Սոբչակի YouTube-յան ալիքում հրապարակվել է «Զգուշացեք, Սոբչակն է» հաղորդման նոր թողարկումը: Հարցազրույցը նկարահանվել էր մի քանի շաբաթ առաջ, երբ Մարգարիտա Սիմոնյանը դեռ հղի էր. հոկտեմբերի 19-ին Սիմոնյանը երրորդ անգամ մայր է դարձել:
Սոբչակը հաղորդումը չհրապարակելու լուրջ պատճառներ է ունեցել: Պատճառն այն էր, որ ի սկզբանե կանանց զրույցը չի ստացվել. ընդդիմադիր Սոբչակի հարցերի պատճառով իշխանամետ Սիմոնյանն անընդհատ սպառնացել է, որ կլքի նկարահանման հրապարակը:
Հարցերը վերաբերել են Սիմոնյանի կողմից ղեկավարվող հեռուստաալիքում քաղաքական օրակարգին և գլխավոր խմբագրի գործունեությանը: Սոբչակը նշել է, որ նախքան հարցազրույցը բազմիցս գլխավոր խմբագրի հետ քննարկել է այս կամ այն թեմայի քննարկման հնարավորությունը և փորձել է թեմայից չշեղվել:
Ինչ-որ պահի Մարգարիտա Սիմոնյանը, այնուամենայնիվ, չի դիմացել, հանել է միկրոֆոնը և հեռացել սենյակից: Իր վարքագիծը Սիմոնյանը բացատրել է այն հանգամանքով, որ չի ցանկացել նյարդայնանալ և վտանգի տակ դնել ապագ երեխայի առողջությունը:
Չնայած հարցազրույցն անհաջող է ստացվել և անավարտ մնացել, Սոբչակը որոշել է այն ցուցադրել հեռուստադիտողներին: Բացի դրանից՝ հաղորդման վերջում նա ցուցադրել է այլ քաղաքական լրագրողների կարծիքը Մարգարիտա Սիմոնյանի պահվածքի վերաբերյալ:
