11:11 - Փաշինյանն օրեցօր ավելի եւ ավելի է կտրվում իրականությունից, տրվելով անուրջներին         11:09 - Մոսկվայում սպանված Բոլյանը եղել է Մասիվցի Անդիկի սպանության կազմակերպիչը. «Ժողովուրդ»      10:50 - Նախկինները գայթակղիչ առաջարկնե՞ր են անում իշխող թիմի անդամներին. «Իրատես»    

31 հոկ 2019 15:25

Տեսանյութ. Վիճաբանություն ԱԺ-ում. սևազգեստ մայրերից մեկը ջուր լցրեց քննիչի վրա.Քննիչներն իրենք են կոծկել այս քր.գործերը.

 ԱԺ-ում են տարբեր տարիներին խաղաղ պայմաններում զոհված զինծառայողների ծնողները: Նրանց ընդունել է ԱԺ Մարդու իրավունքների պաշտպանության և հանրային հարցերի մշտական հանձնաժողովի նախագահ Նաիրա Զոհրաբյանը, ներկա են այլ պատգամավորներ: Ծնողների պահանջն է՝ արդարություն, այսինքն իրենց որդիների սպանության բացահայտում:

«Ձեր գործերի համար երեք կառույց է պատասխանատու՝ քննչական կոմիտեն, զինվորական դատախազությունն ու պաշտպանության նախարարությունը: Երեք կառույցի ներկայացուցիչներն այստեղ էին, քննարկում չստացվեց: Մենք ուզում էինք քայլ առ քայլ մոտենալ ձեր համար ամենակարևոր խնդրի բացահայտմանը՝ արդարարությանը, չստացվեց, որովհետև կողմերն իրար դիտարկեցին հակառակորդներ»,- ասաց Ն. Զոհրաբյանը:

Նա նշեց, որ իրենք ևս մեկ անգամ կքննարկեն, թե ինչ ֆորմատով արդյունավետ կլինի քննարկում կազմակերպել: Պատգամավորն ասաց, որ պետք է ժամանակ տան՝ պայմանավորվելու պաշտպանության  ու արդարադատության նախարարների, զինվորական դատախազի  հետ, որպեսզի անձամբ ներկա լինեն, նաև  ծնողների փաստաբաններն ու լրատվամիջոցները ներառյալ:
«Քանի այս համակարգը, քննիչներն իրենք են աշխատում, եթե իրենք են կոծկել այս քրեական գործերը, տարել փակուղի, ինչպե՞ս քննարկենք», ասաց սևազգեստ ծնողներից մեկը:

Նրանք նշում են, որ տարիներ շարունակ գոնե մեկ զինվորի գործ բացահայտված կա՞, թե՞ ոչ:

«Եթե կա, թող բերեն, դնեն սեղանի վրա: Մենք ուզում ենք տեսնել արդարություն»,- ասաց ծնողներից մեկը:

Մեկ այլ ծնող շարունակեց. «12 տարի շարունակ  այդ մարդիկ, Գյուլնազ տատի հեքիաթները պատմելով, չեն կարողանում իրենց սարքած քրեական գործը վերլուծել ու պատասխան տալ ծնողին: Խնդրում եմ՝ այս կապիկությունը թող վերջացնեն: Նոր Հայաստանում մենք մտածում էինք, որ կլինի արդար քննություն, տեսաք՝ ինչ է կատարվում: Նույն քննիչը 2011 թվականից մինչև հիմա շարունակում է նույն հանցագործությունը»:
Սակայն նիստի ժամանակ մայրերից մեկը ջուր լցրեց քննիչներից մեկի վրա, ինչի հետևանքով խառնաշփոթ ու վիճաբանություն սկսվեց:
Քննիչները հեռացան, իսկ պատգամավոր Նաիրա Զոհրաբյանն առաջարկեց հանձնաժողովի կազմում քննարկել ծնողների և քննիչների հանդիպման այլ ձևաչափ, որպեսզի աշխատանքն արդյունավետ լինի:
Մանրամասները` տեսանյութում:


Մեկնաբանություններ

Համընկնող լուրեր