18:33 - Արթուր Վանեցյանը հրաժարական տվեց Ֆուտբոլի ֆեդերացիայի նախագահի պաշտոնից. Տեսանյութ         17:32 - Միջադեպ Թուրքիայի խորհրդարանում.Կարո Փայլանը Սոյլուին նմանեցրել է Հիմմլերի հետ      16:39 - Տեսանյութ. Վահե Էնֆիաջյանի կոշտ պատասխանը ադրբեջանցի պատվիրակներին՝Քաղաքական սադրանք՝ դուք եք անում,Արցախի հարցը դե ֆակտո լուծված է    

01 նոյ 2019 17:09

«Կարգին Հայկոն» յուրայիններին տեղավորելու համար ազատվում է բանիմաց կադրերից. ժամկետը՝ մինչև Նոր տարի

Երևանի քաղաքապետարանում հրատապ կարգով ուզում են տեղավորել յուրայիններին՝ կապ չունի մասնագետ է, թե՝ ոչ, կարող է գործը գլուխ բերել, թե՝ ոչ։Քաղաքապետարանի Henaran.am-ի աղբյուրը պատմում է, թե փորձը ցույց է տվել, որ նոր աշխատակիցների ճնշող մեծամասնությունը ուղղակի անպիտան են քաղաքապետարանում աշխատելու համար: Հնաբնակները կատակում են՝ «հակառակ պարագայում պետք է լացենք կամ դուրս գանք աշխատանքից»։
Նորելուկներին աշխատանքի տեղավորելու համար երկու սցենար է գործում։ Հիմնական դերակատարությունը «կարգին քաղաքապետը» տվել է աշխատակազմի քարտուղար Վահե Խաչատրյանին, նա աշխատակիցներին բացատրում է, որ նպատակահարմար չի համարում իրենց հետ աշխատելը, լավ է իրենք իրենց դիմումի համաձայն դուրս գան:
Այս մեթոդը հաճախ աշխատում է, ովքեր էլ չեն ենթարկվում, նրանց համար Վահե Խաչատրյանը հրահանգել է մինչեւ Նոր տարի ատեստացիա անցկացնել: Ատեստացիան նշանակված է դեկտեմբերի 5-ին եւ 24-ին: Ի դեպ, հանձնաժողովի նախագահն էլ հենց ինքն է՝ Վահե Խաչատրյանը:
Այնպես որ, Երևանի քաղաքապետարանում մինչև տարվա վերջ սպասվում են լուրջ կրճատումներ՝ յուրայիններին տեղավորելու համար։ Քաղաքապետարանում հնաբնակները խոսում են, որ երբևիցե նման բան չեն տեսել՝ այսքան յուրայինների մուտք, այն էլ բանիմաց կադրերի փոխարեն: Նորերի գրագիտության եւ պատրաստվածության մասին լռում են կամ ժպտում։


Մեկնաբանություններ

Համընկնող լուրեր