Արմավիր ՔԿՀ-ում «զոն նայողները» հրաժարվել են իրենց կարգավիճակից
Լուրջ բացատրական աշխատանքներ են տարվում, ինչի արդյունքում նրանք հետևանքների մասին արդեն գիտակցում են, հասկանում են, որ կդատվեն, երբ օրենքը սկսի գործել: Այս մասին լրագրողների հետ զրույցում հայտարարել է «Արմավիր» ՔԿՀ-ի պետ Գերասիմ Գևորգյանը՝ խոսելով «զոն նայողների» մասին:Գևորգյանը վստահեցրել է, որ «Արմավիր» ՔԿՀ-ում չկա հայտնի պրակտիկան, երբ դատապարտյալները գումար են հավաքում ու փոխանցում հիմնարկի պետին:
Հարցին՝ վերացել է արդյո՞ք «զոն նայող» հասկացությունը, ՔԿՀ պետը նշել է, որ վերջիններս են հայտարարել, որ իրենք «զոն նայող» չեն. «Իրենք են հրաժարվել դրանից: Սակայն ես կարծում եմ, որ իրենց մեջ հարց առաջանալու դեպքում այն լուծելու համար կդիմեն ոչ միայն «զոն նայողին» այլ օրինակ տարիքով մեծին: Բայց հիմա առանձնացող ինչ-որ մեկը չկա»:
