Թուրքիան «Իսլամական պետության» ահաբեկիչներին արտաքսում է. այդ թվում են նաև ադրբեջանցիները
Թուրքիան հստակեցրել է «Իսլամական պետություն» ահաբեկչական խմբավորման արտասահմանցի անդամների թիվը, որոնք արտաքսվելու են իրենց երկրներ: Արտաքսվողների ցուցակում են նաև Ադրբեջանի 29 քաղաքացիներ: Այս մասին գրում է Minval.az կայքը:Բացի Ադրբեջանի քաղաքացիներից, իրենց երկրներ կարտաքսվեն ԻՊ-ի ևս 930 անդամներ, որոնցից 99-ը հանդիսանում են Ռուսաստանի, 17-ը՝ Գերմանիայի, 4-ը՝ Ուկրաինայի, 3-ը՝ Հոլանդիայի, 2-ը՝ Ֆրանսիայի, 2-ը՝ Դանիայի, 2-ը՝ Ավստրիայի, 2-ը՝ Կոսովոյի, 2-ը՝ Բուլղարիայի, 1-ը՝ Ռումինիայի, 1-ը՝ Ալբանիայի, 82-ը՝ Ուզբեկստանի, 23-ը՝ Ղրղզստանի, 21-ը՝ Տաջիկստանի, 13-ը՝ Եգիպտոսի, 11-ը՝ Աֆղանստանի, 10-ը՝ Թունիսի, 10-ը՝ Ղազախստանի, 9-ը՝ Պաղեստինի, 8-ը՝ Մարոկկոյի, 6-ը՝ Պակիստանի, 6-ը՝ Թուրքմենստանի 3-ը՝ Նիգերիայի, 3-ը՝ Իրանի, 3-ը՝ Սոմալիի, 2-ը՝ Լիբիայի, 2-ը՝ Հորդանանի, 2-ը՝ Ալժիրի, 2-ը՝ Սաուդյան Արաբիայի, 1-ը՝ Յեմենի, 1-ը՝ Մեծ Բրիտանիայի, 296-ը՝ Իրաքի, 273-ը՝ Սիրիայի, 2-ը՝ ԱՄՆ-ի և 3-ը՝ Ավստրալիայի քաղաքացիներ:
Ահաբեկիչներից մեկը քաղաքացիություն չունի, երկուսի քաղաքացիությունը ճշտել չի հաջողվել:
Արտաքսման ենթակա անձանց մեջ կա 147 երեխա, նրանք կորցրել են իրենց ծնողներին Սիրիայում ընթացած մարտական գործողությունների ժամանակ:
Ծրագրվում է ԻՊ-ի արտասահմանցի անդամներին արտաքսել իրենց երկրներ մինչև այս ամսվա վերջ:
