9-ամյա տղան համալսարանի դիպլոմ կստանա
Նիդերլանդներում ապրող 9-ամյա Լորան Սիմոնսը մոտ ժամանակներում կստանա տեղի Տեխնիկական համալսարանի դիպլոմ: Այս մասին հայտնում է Spiegel-ը:Տղան էլեկտրոտեխնիկայի ֆակուլտետ էր ընդունվել 1 տարի առաջ: Միջնակարգ կրթության վկայական նա ստացել էր 8 տարեկանում:
Արձակուրդից հետո երեխան դարձել է համալսարանի ուսանող: Այստեղ սովորելիս ևս նա գերազանցում է կուրսընկերներին, որոնք մի քանի տարով մեծ են տղայից:
Պատանի հանճարի IQ-ն 145 է: Սա այն դեպքում, որ ինտելեկտի միջին ցուցանիշը 100 է: Լորանը հիանալի հիշողություն ունի: Նա խոստովանել է, որ իր ամենասիրելի առարկան մաթեմատիկան է:
Լորանը ցանկանում է դառնալ կարդիովիրաբույժ: Երազում է դառնալ մի մասնագետ, որը կարող է երկարացնել մարդկային կյանքերը:
