Տեսանյութ.Խավարման կարգ` ի հիշատակ Քրիստոսի մատնության և չարչարանքների          Մարտի 29-ին կդադարեցվի հետևյալ հասցեների ջրամատակարարումը       Տեսանյութ.Ավագ Հինգշաբթի՝ Սուրբ Հաղորդության խորհրդի հաստատում, Խորհրդավոր ընթրիք    

21 նոյ 2019 15:21

Վիկտոր Ենգիբարյանը Սերժ Սարգսյանի՝ Զագրեբում արած ելույթը Զարուհի Փոստանջյանի մակարդակի ելույթ է համարում

Ազգային ժողովի «Իմ քայլը» խմբակցության պատգամավոևր Վիկտոր Ենգիբարյանը «ցածր կլասի» ելույթ է որակում Զագրեբում ԵԺԿ համագումարին ունեցած ՀՀԿ նախագահ, ՀՀ նախկին նախագահ Սերժ Սարգսյանի ելույթը:
«Զարուհի Փոստանջյանի մակարդակի ելույթ էր, երբ ԵԽԽվ-ում Փոստանջյանը հայտարարեց, որ Սերժ Սարգսյանը կազինոյում 70 մլն եվրո է պարևտվել: Մոտավորապես էդպիսի ցածր կլասի ելույթ էր», PrimeNews.am-ի թղթակցի հետ զրույցում մեկնաբանելով Սարսգսյանի ելույթը հայտարարեց Ենգիբարյանը: Ինչ վերաբերում է այս ելույթում Սերժ Սարգսյանի հնչեցրած մտքերին, որ Հայաստանում քաղաքական հետապնդումներ են իրականացվում, ընդդիմադիր մամուլի նկատմամբ՝ ոտնձգություններ, Ենգիբարյանը նկատեց. «Մեր երկիրը մամուլի ազատության խնդիր չունի: Ավելին, միջազգային բոլոր ինդեքսներով, ռեյտինգերով Հայաստանն առաջընթաց է գրանցել: Հայաստանում անցկացվել են լավագույն ընտրությունենրը երբևէ: Այս տիպի քննադատությունները ոչ միայն ծիծաղելի են մեզ համար, այլև եբվրոպացիների համար, քանի որ նրանք շատ լավ գիտեն՝ ինչ է կատարվում, հետևում են Հայաստանի իրադարձություններին»:
Իշխանական պատգամավորը հիշեցրեց Հանրապետականների հայտարարությունները, թե Սերժ Սարգսյանը մի օր անպայման կխոսի և արդյունքում խոսեց Հայաստանից դուրս, Զագրեբում:
«Սերժ Սարգսյանը Հայաստանում այլևս լսող չունի, կամ էլ դրանք մատերի վրա հաշված մարդիկ են և ստիպված օգտագործում է դրսի ամբիոնը: Բայց դրսում էլ, կարծում եմ, որևէ մեկը լուրջ չի վերաբերում նման հայտարարություններին», -հավելեց խորհրդարանական մեծամասնության ներկայացուցիչը: Հիշեցնեն՝ Սարգսյանը մասնավորապես հայտարարել էր. «Երկրում ժողովրդավարությանը սպառնացող վտանգավոր զարգացումներ են տեղի ունենում, խաթարվել են սահմանադրականության հիմքերը, չի գործում իշխանությունների տարանջատման և հավասարակշռության մեխանիզմը, խախտված է դատական իշխանության անկախությունը, իրականացվում են քաղաքական հետապնդումներ, պարբերական են դարձել ընդդիմադիր լրատվամիջոցների և ակտիվիստների նկատմամբ ագրեսիվ գործողությունները, անհանդուրժողականությունը և ատելության խոսքը հասել են մտահոգիչ չափերի։ Հիմա ես այստեղ եմ` բարձրաձայնելու այդ մտահոգությունները` պաշտպանելու համար այն հավատը, որ ունեցել են հազարավոր մարդիկ իշխանափոխությունից»:


Մեկնաբանություններ


Համընկնող լուրեր