Հազվադեպ երևույթ՝ «պտուղը պտղի մեջ». «հղի» երեխա է ծնվել
Կոլումբիայում ապրող Մոնիկա Վեգիի մոտ ծննդաբերությունից դեռ 2 ամիս առաջ տարօրինակ երևույթ է նկատվել: Նրա արգանդում եղել է 2 պորտալար, այնինչ պտուղը մեկն է եղել: Պարզվել է, որ դեռևս չծնված աղջիկը հղիության վաղ փուլում կլանել է մյուս պտղին, որն այնուհետ պորտալարով կառչել է նրան:Սա չափազանց հազվադեպ երևույթ է, որը կոչվում է «պտուղը պտղի մեջ»: Հղի կնոջը ժամկետից շուտ կեսարյան հատում են արել, քանի որ պարազիտ պտուղն արդեն սկսել է ճնշել առողջ պտղի ներքին օրգանները:
Մոր կեսարյան հատումից մեկ օր անց կեսարյան հատում են արել նաև աղջնակին և հեռացրել նրա երկվորյակից մնացած հյուսվածքային զանգվածը: Վիրահատությունը նորմալ է անցել, բժիշկները վստահեցնում են, որ երեխան հետագա բարդություններ չի ունենա:
