Էրդողանը ներել է իրեն վիրավորած անչափահասներին ու 2 պայման դրել
Թուրքիայի նախագահ Ռեջեփ Թայիփ Էրդողանը 2 անչափահասի դեմ ներկայացրած դատական հայցից հրաժարվել է ուշագրավ պայմանով: Երեխաները պետք է ներողություն խնդրեն Թուրքիայի նախագահից և նրանցից մեկը պետք է սովորի այդ երկրի հիմնը, իսկ մյուսը՝ թուրք բանաստտեղծ Նուսրուլլահ Գենչի «Անձրև» բանաստեղծությունը: Այս մասին տեղեկանում ենք Էրմենիհաբերից։Հաղորդվում է, որ երեխաների դեմ հայց էր ներկայացվել դեռևս Էրդողանի վարչապետ եղած ժամանակահատվածում սոցցանցերում վերջինի հասցեին արված վիրավորական գրառումների պատճառով:
«Պետական ծառայողին վիրավորելու» հոդվածով մեղադրվող դեռահասները հաշտության խնդրանքով դիմել են Վանի հանրապետական դատախազություն: Դիմումին ի պատասխան՝ Էրդողանի փաստաբանը հայցից հրաժարվելու համար ներկայացրել է իր պաշտպանյալի վերոնշյալ 2 պայմանը:
