Դեռ վաղ է գնահատել դիպուկահարի կրակոցից վիրավորված զինծառայողի վնասվածքի աստիճանը. նրան տեղափոխել են հիվանդանոց
ՀՀ ՊՆ մամլո խոսնակ Արծրուն Հովհաննիսյանը ԳԱԼԱ-ի հետ զրույցում հայտնել է, որ դեռ վաղ է գնահատել ադրբեջանական կողմի դիպուկահարի կրակոցից վիրավորված զինծառայող Ա. Արզումանյանի ստացած հրազենային վնասվածքի աստիճանը: Նրան տեղափոխել են հիվանդանոց:Ավելի վաղ ՊՆ խոսնակը հայտնել էր, որ Տավուշի Բերքաբեր համայնքի ուղղությամբ տեղակայված մարտական դիրքերում ադրբեջանական ԶՈՒ-երի դիպուկահար կրակից վիրավորվել է ՀՀ ԶՈՒ-երի զինծառայող, շարքային Արթուր Սլավիկի Արզումանյանը:
ԳԱԼԱ-ի հարցին, թե այս պահին ակտիվություն նկատվու՞մ է Տավուշի սահմանամերձ շրջաններում, ՊՆ մամլո խոսնակը պատասխանեց. «Առանձնապես մեծ չափերի չէ, բայց կրակոցներ կան»:
Անդրադառնալով տոնական օրերին արցախա-ադրբեջանական և հայ-ադրբեջանական սահմանին տիրող իրավիճակին, Հովհաննիսյանը նշեց, որ վիճակը համեմատաբար հանգիստ է եղել:
