Տեսանյութ.Թուրքիայում երկրպագուները ներխուժել են մարզադաշտ և հարձակվել ֆուտբոլիստների վրա          Այս հայտարարությունը ոչ մի կերպ կապ չունի ՌԴ- հետ.Ահա թե ինչի են հանգեցրել Եվրամիությունից, ՆԱՏՕ-ից և Վաշինգտոնից նոր համակարգողները       Հայաստանին է մոտենում հաջորդ ցիկլոնը    

15 հուն 2020 18:23

Տեսանյութ.Հրանդ Հարթունին հավատալով Նիկոլ Փաշինյանին և Արարատ Միրզոյանի հորդորով ԱՄՆ-ից վերադարձել է՝ վերականգնելու Ռուբեն Շահմուրադյանի կողմից յուրացրած բիզնեսը, սակայն դատարաններում նույնն է

Տեսանյութ.Հրանդ Հարթունին հավատալով Նիկոլ Փաշինյանին և Արարատ Միրզոյանի հորդորով ԱՄՆ-ից վերադարձել է՝ վերականգնելու Ռուբեն Շահմուրադյանի կողմից յուրացրած բիզնեսը, սակայն դատարաններում նույնն է
Հայացք մամուլի ակումբում ամերիկահայ գործարար Հրանդ Հարթունին և փաստաբան Մնացական Ղազարյանը ներկայացրեցին Հայաստանի արդյունաբերողների և գործարարների միության խորհրդի անդամ, «R & V kkomfort» ՍՊԸ նախագահ Ռուբեն Շահմուրադյանի կողմից գործարար Հրանդ Հարթունու բիզնես հանդիսացող սեփականության յուրացման մանրամասները: Հրանդ Հարթունին վերադարձել է Հայաստան, նորից դիմել դատարան՝ փորձելով վերականգնել արդարությունը և սեփականության իրավունքը:
 
Դեռ անկախության տարիներին, Իրանից Հայաստան գալով, Հրանդ Հարթունին Ռուբեն Շահմուրադյանի հետ համատեղ բիզնես է հիմնում՝ Հայաստանում գրանցելով «R.H.SIS» հայ-իրանական համատեղ ձեռնարկությունը. «Ծանոթացել եմ Ռաֆիկ Շահմուրադյանի հետ, աշխատել, այնուհետև պատահական ծանոթացել եմ եղբոր՝ Ռուբեն Շահմուրադյանի հետ և նրա հետ սկսել աշխատել: 
Ամբողջ գումարը ես եմ դրել, ամբողջ ապրանքը ես եմ բերել, իմ շահույթի մասն էլ ամբողջությամբ դրել եմ գործի մեջ, իսկ պարոն Շահմուրադյյանը ոչ մի ներդրում չի արել: 
 
Ավելին ասեմ, նախքան մեր համատեղ բիզնես գործունեությունը ես ապրանքներ էի ներկրում, նա վաճառում էր: Երբ զատիկի համար մեծ քանակությամբ հավկիթ էի բերել, նա դրանք վաճառում էր, իսկ ջարդածներն էլ տանում էր և տանն էր ուտում պարոն Շահմուրադյանը, որը հիմա ունեցածս ձեռիցս խլել է,-պատմում է Հրանդ Հարթունին:  
 
2000թ-ին Հրանդ Հարթունին մեկնում է ԱՄՆ, որտեղ երկու անգամ ենթարկվում սրտի բարդ վիրահատության. «2000-2005թ ԱՄՆ-ից դուրս չեմ կարողացել գալ, բժիշկները խիստ արգելել էին օդանավ նստել, միշտ նրանց հսկողության տակ եմ եղել: Երբ 2005թ-ին վերադարձել եմ Հայաստան անակնկալի եմ եկել, քանի որ պարզվեց «R.H.SIS» հայ-իրանական համատեղ ձեռնարկություն ՍՊԸ-ի իմ 50% բաժնեմասը կեղծ փաստաթղթերով, իմ կեղծ ստորագրությամբ վաճառվել է Ռուբեն Շահմուրադյանի որդուն՝ Վարդան Շահմուրադյանին, ընդամենը 25000 ՀՀ դրամ գումարով: Այդ հանգամանքը պարզելուց հետո, դիմեցի դատարան անօրինական գործարքներն անվավեր ճանաչելու պահանջով, սակայն հայցապահանջս մերժվեց: Չհասնելով արդարության հիասթափվեցի և հեռացա հայրենիքից»,-ասաց Հրանդ Հարթունին:
Թավշյա հեղափոխությունից հետո, հավատալով ՀՀ վարչապետ Նիկոլ Փաշինյանի որդեգրած կոռուպցիայի դեմ պայքարին, տնտեսական հեղափոխությանը Հրանդ Հարթունին որոշում է վերադառնալ հայրենիք, վերականգնել արդարությունը և սեփականության իրավունքը. «2018թ-ին ԱՄՆ այցելած պարոն Արարատ Միրզոյանը սփյուռքահայերիս քաջալերում  էր վերադառնալ Հայաստան և ներդրումներ կատարել հայրենիքում: Նա իմ փաստաթղթերին ծանոթացել է Ալեգ Բաղդասարյանի միջոցով և բնականաբար ծանոթ է իմ խնդրին:
 
Ես արդեն երկու տարի է վերադարձել եմ: Հայաստան վերադառնալուց հետո համապատասխան դիմում-բողոքներ եմ ներկայացրել ՀՀ ԱԱԾ-ի պետին, ՀՀ գլխավոր դատախազին, ՀՀ ոստիկանապետին, դիմել եմ դատարան, սակայն մինչ օրս որևէ արդյունքի չեմ հասել»,- նշեց Հրանդ Հարթունին, հավելելով, որ մինչև վերջ պայքարելու է, անգամ Եվրոպական դատարան է դիմելու՝ վերականգնելու արդարությունը. «Ինձ համար նյութականը երկրորդ պլանում է, կարևորը արդարության վերականգնում է: Իսկ այն ամենը ինչ վերադարձնեմ միևնույնն է ներդրումներ պետք է անեմ հայրենիքում: 
 
Այժմ էլ ես խոշորածավալ ներդրումներ անելու հնարավորություններ ունեմ, սակայն ինչպես ես, այնպես էլ ԱՄՆ-ում և Իրանում գտնվող իմ բազմաթիվ գործընկերներ մեծահարուստ գործարարներ սպասում ենք իմ հարցի արդարացի լուծմանը և մինչև հարցին արդարացի լուծում չտրվի, մենք իրականությունից ելնելով ձեռնպահ կմնանք Հայաստանում ներդրումներ կատարելուց»: 
Ամբողջական ասուլիսը՝ Hayacq.com-ի տեսանյութերում
      

Մեկնաբանություններ


Համընկնող լուրեր