14:37 - Տեսանյութ. Ռազմիկ Աբրահամյանի հետ համագործակցում եք. լարված վիճակ Աջափնյակի ԶԱԳՍ-ում         14:15 - Օրվա իշխանությունն ունի խնդիր՝ արագ ձերբազատվելու ինձնից      13:52 - Տեսանյութ. Ի պատասխան ՀՔԾ հայտարարութանը Մակինյանը տեսանյութ է հրապարակել Թովմասյանի բնակարանից    

16 հուն 2020 15:53

Արսեն Թորոսյանի պատասխանը՝ մեր օրերում երեխաների որդեգրման և վաճառքի դեպքերն արդեն բացառվո՞ւմ են

Կարո՞ղ ենք ասել, որ մեր օրերում երեխաների որդեգրման և վաճառքի դեպքերն արդեն բացառվում են. լրագրողի հարցին՝ Առողջապահության նախարար Արսեն Թորոսյանն այսպես պատասխանեց. «Մենք մեր լիազորությունների շրջանակում կանոնակարգում ենք ծննդօգնության ծառայությունների մատուցում, թե ինչպե՞ս պետք է հաշվառման վերցվեն, ինչպե՞ս պետք է տեղի ունենա ծննդալուծումը և այլն: Իհարկե, նրանց մեջ ներառում ենք այնպիսի գործընթացներ, որոնք կկանխարգելեն բուժաշխատողի և ապագա մոր կամ նրա հարազատների միջև ոչ օրինական հարաբերությունները, բայց պետք է հասկանալ, որ երկու մեխանիզմ կա՝ և՛ կանխարգելման, և՛ պատժի»,- ասաց նա՝ հավելելով, որ հիմա փորձում են նաև կանոնակարգել հետծննդյան այնպիսի դեպքերի վարումը, որոնք մինչ օրս կասկածներ էին առաջացնում հղի կանանց մոտ, թե ուր է իրենց մահացած երեխայի դիակը: «Քանի որ, այդ մասն օրենքում մի փոքր բաց էր կանոնակարգման առումով, փորձելու ենք այնպես անել, որ թե՛ ամեն ինչ պարզ լինի, թե՛ ամեն ինչ լինի ծնողների համաձայնությամբ, և թե՛ նման կարգերը խախտելու դեպքում նաև բուժաշխատողների հետ պետք է իրականացվեն կանխարգելման վերաբերյալ կրթական ծրագրեր, որովհետև մենք հաճախ լսել ենք, որ բուժաշխատողները դրդել են ծննդկաններին, որպեսզի թողնեն երեխաներին»,- պարզաբանեց Ա. Թորոսյանը:

Մեկնաբանություններ

Համընկնող լուրեր