Սուտ հայտարարություններ են արվել, կլինեն իրավական գործընթացներ. Արձագանքում է «Ջերմուկ Գրուպ»-ը
Ջերմուկ Գրուպ ՓԲԸ-ի պարզաբանումը «Ջերմուկ» հանքային ջրի ապրանքանիշը յուրացնելու և մենաշնորհ ստեղծելու վերաբերյալ
«Ընկերությունը, հավատարիմ մնալով իր քաղաքականությանը, չի տրվի սադրանքներին և կգործի բացառապես իրավական դաշտում՝ նման բովանդակությամբ հայտարարություններին տալով բացառապես իրավական գնահատական: Ավելին՝ հավաստիացնում ենք, որ ընկերության գործարար համբավն արատավորող, կեղծ, սուտ և հորինված յուրաքանչյուր արտահայտության համար մեղավոր անձինք ենթարկվելու են պատասխանատվության օրենքի ողջ խստությամբ:
Միևնույն ժամանակ հայտնում ենք, որ Սուրեն Գառնիկի Բալայանի ապօրինի գործողությունների արդյունքում հարուցվել և այսօր քննվում են մի շարք քրեական գործեր, քաղաքացիական գործեր, վարչական գործեր. դրանցից շատերի պարագայում վերջինիս գործողություններին տրվել են իրավական կոշտ գնահատականներ, և այդ գործողությունները որակվել են որպես օրենքի կոպիտ խախտումներ:
Ավելին, այս ապօրինությունները ուղղված են ոչ միայն Ջերմուկ Գրուպ ՓԲ ընկերության այլև պետության դեմ։ Որպես օրինակ նշենք, որ Սուրեն Գառնիկի Բալայանի ապօրինի գործողությունների արդյունքում պետությանը հասցվել է շուրջ 150 000 000 ՀՀ դրամի վնաս, որի վերաբերյալ կա հստակ փաստ»:
