Տեսանյութ.Ինչպես հաղթահարել ներանձնային կոնֆլիկտը և դառնալ սեփական կյանքի տերը          Տեսանյութ.Հանձնել է այդ չորս գյուղերը և Սյունիքն էլ է հանձնելու. դուք խոսքի, խոստումների համար տալիս եք տարածքի մի մա՞սը       Ամբողջ աշխարհի աչքի առջև ՀՀ-ն վերածվում է ծայրահեղ վտանգավոր ծրագրերի իրականացման գործիքի.Թե ինչու է Երեւանը ձեւացնում, թե չի հասկանում, թե ինչի մասին է խոսքը, մեծ հարց է    

18 հուն 2020 12:33

Այս իշխանությունն այն իշխանությունը չէ, որ սպանություն պատվիրի

«Առաջին լրատվական»-ի եթերում «Հանրապետություն» կուսակցության քաղխորհրդի նախագահ Արամ Սարգսյանն, անդրադառնալով ԱԱԾ նախկին ղեկավար Գեորգի Կուտոյանի մահվան դեպքին, ասել է, որ գործի ամբողջական քննությունն ու բացահայտումը իրավապահ համակարգի պատվի խնդիրն է. «Մարդկային հոգեբանությունը ինքնասպանությունից մինչև սպանություն մեկնաբանելու փորձերը համարում եմ ոչ ճիշտ, որովհետև ցանկացած մարդ անհատականություն է, և կախված իրավիճակներից՝ այն մասին, թե ինչպիսի դրսևորումներ կունենա, տեսակետ ասելը զուտ տեսակետ է, ես գտնում եմ, որ նախ քննչական խումբը պիտի որոշակի մոտեցում ներկայացնի, ամբողջությամբ հետազոտի. ԱԱԾ պետի պաշտոնը, իհարկե, շատ լուրջ պաշտոն է, շատ լուրջ տեղեկատվության տիրապետող մարդ է եղել պարոն Կուտոյանը, այս առումով համապատասխան մարմինները լուրջ անելիք ունեն: Բարդ է ինչ-որ բան ասել»,- նշել է Սարգսյանը:
 
Նրա խոսքով՝ այսօրվա իշխանությունը որևէ կաշկանդվածություն չունի նման գործ բացահայտելու առումով. «Այսօրվա իշխանությունը որևէ կերպ որևէ մեկի կյանքին վտանգ սպառնալու խնդիր էլ չունի:
 
Այս իշխանությունն այն իշխանությունը չէ, որ սպանություն պատվիրի: Մտածել, որ կարող է պարոն Կուտոյանի սպանությունը գործող իշխանության պատվերով լինել, ուղղակի անհեթեթություն է: Այս առումով ամենաշատը գործող իշխանությունը պետք է շահագրգռված լինի երկրում լարվածության մթնոլորտը թուլացնելու և տեղի ունեցածը բացահայտելու հարցում»,- ասել է Արամ Սարգսյանը:
Մանրամասները՝ սկզբնաղբյուրում:

Մեկնաբանություններ


Համընկնող լուրեր