Բացահայտվել են Տաշքենդում անվանի հայ դիզայների սպանության հանգամանքները
Պարզվել են Ուզբեկստանի մայրաքաղաքում անվանի հայ դիզայներ և պարուսույց Նարիման Գրիգորյանի սպանության հանգամանքները։ Sputnik Ուզբեկստանը, հղում անելով մայրաքաղաքի դատախազությանը, գրում է, որ հանցագործության հիմնական դրդապատճառը կողոպուտն է եղել։Դատախազության հաղորդագրության համաձայն` մահացածը ծանոթ է եղել մարդասպանի հետ։ Հարցաքննության ժամանակ կասկածյալը խոստովանել է, որ ուզում էր սպանել Գրիգորյանին, գողանալ նրա արժեքավոր իրերը և փողերը։ Այդ նպատակով չարագործը հյուր է գնացել դիզայներին։
Հունվարի 14–ին նա, դանակով զինված, գնացել է Գրիգորյանի տուն։ Ենթադրյալ մարդասպանն իր հետ տարել է բենզինով լի պլաստիկից շիշ։ Մտնելով տուն` նա իսկույն դանակով մի քանի հարվածներ է հասցրել Գրիգորյանին, որոնց հետևանքով նա տեղում մահացել է։
Հանցագործության հետքերը թաքցնելու համար կասկածյալն այրել է բնակարանը սպանվածի մարմնի հետ միասին, այնուհետև հեռացել է` փակելով դուռը։ Նա Գրիգորյանի բնակարանից գողացել է 625 դոլար, iPhone ականջակալներ և երկու սմարթֆոն, ինչպես նաև էլեկտրոնային սիգարետ և Captiva մակնիշի ավտոմեքենայի բանալիները։
Ձերբակալության պահին իրավապահ մարմինների աշխատակիցները նրա մոտ գտել են 400 դոլար, AirPods ականջակալներ և էլեկտրոնային սիգարետ։
Նարիման Գրիգորյանը ոչ միայն պարուսույց ու դիզայներ էր, այլև մոդելավորող։ Նա արժանացել է «Տարվա առաջխաղացում» (2015) և «Երեկոյան զգեստների լավագույն դիզայներ» (2017) կոչումներին։ Գրիգորյանը նաև Nariman Grigoryan ապրանքանիշի հիմնադիրն էր և Ուզբեկստանի միակ անդամը միջազգային մրցույթների ժյուրիի կազմում։
Նարիման Գրիգորյանը ոչ միայն պարուսույց ու դիզայներ էր, այլև մոդելավորող։ Նա արժանացել է «Տարվա առաջխաղացում» (2015) և «Երեկոյան զգեստների լավագույն դիզայներ» (2017) կոչումներին։ Գրիգորյանը նաև Nariman Grigoryan ապրանքանիշի հիմնադիրն էր և Ուզբեկստանի միակ անդամը միջազգային մրցույթների ժյուրիի կազմում։
