Տեսանյութ. Թուրքիայում նավթատար է պայթել. Կա հավանականություն, որ կրակը կտարածվի բնակելի թաղամասերում          Դժգոհ են ադրբեջանցիները.բռնազավթված Շուշին ալիևյան կլանի ապագա «արքունական կալվածքն» է, հողերը վերցրել է միայն իր ընտանիքի համար       Տեսանյութ.Թուրքական ապրանքները կխժռեն հայկական շուկան... փակված մնա՞նք, փակ սահմաններով, վախերով ապրե՞նք    

30 հուն 2020 12:34

Տեսանյութ. Հայաստանը հայտնվել է մեծ ճգնաժամի խաչմերուկում, որտեղ Ֆրանսիան նրա կողքին է

Ֆրանսիայի նախագահ Էմանուել Մակրոնը նախօրեի երեկոյան մասնակցել է Ֆրանսիայի հայկական կազմակերպությունների համակարգման խորհրդի (CCAF) տարեկան միջոցառմանն ու հանդես եկել ծավալուն ելույթով։
Մակրոնն իր ելույթում խոսում է նաև Լեռնային Ղարաբաղի ու նրա բնակչության մասին, նշելով, որ Հայաստանն հայտնվել է մեծ ճգնաժամի խաչմերուկում, որտեղ Ֆրանսիան նրա կողքին է։
«Լեռնային Ղարաբաղի չլուծված հակամարտությունը Եվրոպայում վստահության և անվտանգության ճարտարապետության առաջընթացի խոչընդոտ է»,-ասաց Մակրոնը։
Ֆրանսիայի նախագահը նշեց, որ հաջորդ շաբաթ ընտրությունները (Ադրբեջանում) կարող են դրական ազդեցություն ունենալ ու հույս հայտնեց, որ գարնանը ինչ-որ առաջընթաց կարող է լինել այս հարցում։
«Շփումներ են հաստատվել ղեկավարների միջև, և ես այստեղ ուղի եմ տեսնում»,-ասաց Մակրոնն ու հավելեց, որ սա նաև մարդկային դրամա է, որը Լեռնային Ղարաբաղում և հարակից շրջաներում ապրող բնակչությանը պահում է անկայունության ու մեկուսացման մեջ։
Մակրոնն անդրադարձավ նաև Ղարաբաղի ու Ֆրանսիայի քաղաքների միջև բարեկամության հռչակագրերին, նշելով, որ եթե ասի ոչ մի խնդիր չկա, ապա ստած կլինի, քանի որ այն հնարավոր չէ իրավաբանորեն։
«Այս հռչակագրերի խնդիրն այն է, որ այն նույն մակարդակի վրա է դնում Ֆրանսիայի տարածքային համայնքին ու տեղական ինքնակառավարման մարմնին, որը չի օգտվում միջազգային ճանաչումից»,-ասաց Մակրոնը, հիշեցնելով, որ Հայաստանն էլ չի ճանաչում Լեռնային Ղարաբաղը։
Մակրոնի խոսքերով, օրենքի կիրրառումը, սակայն, չի բացառում դիալոգն ու մարդասիրական աջակցությունը։
***
Ֆրանսիայի նախագահ Էմանուել Մակրոնը և Ադրբեջանի նախագահ Իլհամ Ալիևը հեռախոսազրույց են ունեցել, որի ընթացքում քննարկել են Արցախյան հակամարտության կարգավորման հարցը: Այս մասին տեղեկացնում է minval.az կայքը:

«Պետությունների ղեկավարները քննարկել են ԼՂ հակամարտության կարգավորման շուրջ իրավիճակը: Ադրբեջանի նախագահը ևս մեկ անգամ տեղեկացրել է ֆրանսիացի գործընկերոջը հակամարտության վերաբերյալ Բաքվի դիրքորոշման մասին»,- տեղեկացրել է Ադրբեջանի նախագահի մամուլի ծառայությունը:
Բացի արցախյան հիմնահարցից` կողմերը քննարկել են նաև երկկողմ համագործակցությանը վերաբերող հարցեր, տնտեսական կապերն ու տարածաշրջանային անվտանգությունը:


Մեկնաբանություններ

Համընկնող լուրեր