Տեսանյութ.Խավարման կարգ` ի հիշատակ Քրիստոսի մատնության և չարչարանքների          Մարտի 29-ին կդադարեցվի հետևյալ հասցեների ջրամատակարարումը       Տեսանյութ.Ավագ Հինգշաբթի՝ Սուրբ Հաղորդության խորհրդի հաստատում, Խորհրդավոր ընթրիք    

04 փետ 2020 14:53

Պաշտոններ հայկական պատվիրակության անդամներին ԵԽԽՎ-ում

ԵԽԽՎ-ում ՀՀ պատվիրակության վերակազմավորումից հետո պատվիրակության նոր անդամներն արդեն իսկ պաշտոններ ունեն։
«Հովհաննես Իգիթյանն ընտրվել է ամենամեծ քաղաքական խմբերից մեկի փոխնախագահ, Էդմոն Մարուքյանը՝ իրավական հարցերի և մարդու իրավունքների հանձնաժողովի նախագահի առաջին տեղակալ, Վլադիմիր Վարդանյանը՝ նույն հանձնաժողովի ներկայացուցիչ Վենետիկի հանձնաժողովում, ինչպես նաև Մարդու իրավունքների հանձնաժողովի նախագահ։ Սոս Ավետիսյանն էլ լրատվամիջոցների և տեղեկատվական հասարակության ենթահանձնաժողովի նախագահի տեղակալ»,-այս մասին այսօր հրավիրված ասուլիսում ասաց Արտաքին հարաբերությունների մշտական հանձնաժողովի նախագահ Ռուբեն Ռուբինյանը։
Նա ընդգծեց, որ այս ամենը խոսում է շատ լավ արդյունքի մասին, և մեկ տարվա աշխատանքների համար ավելի լավ գնահատական չի կարող լինել։
«Միանգամից այսքան պաշտոններում ունեցանք ներկայացուցիչներ և սա վստահաբար կարևոր է, որպեսզի մեր պատվիրակությունն ու անդամներն ավելացնեն իրենց ազդեցությունը»,-ասաց Ռուբինյանը։
Նա հայտնեց, որ Հայաստանի պատվիրակությունը նաև գրավոր հայտարարության նախագիծ է ներկայացրել կապված Բաքվի հայկական ջարդերի 39-րդ տարելիցի հետ ու բավարար ստորագրություններ հավաքել, որի արդյունքում էլ ջարդերի վերաբերյալ գրավոր հայտարարությունը հրապարակվել է։


Մեկնաբանություններ


Համընկնող լուրեր