Հայաստանում վերադարձ անցյալին չի լինելու. Փաշինյանի կառավարությունը հեռացել է թավշյա հեղափոխության նպատակներից
ԱԱԾ նախկին տնօրեն Արթուր Վանեցյանի գլխավորած նոր կուսակցությունը գործելու է ընդդիմադիր դաշտում։«Նոր քաղաքական ուժը լինելու է կենտրոնամետ-աջ, որի գաղափարախոսությունն ու ծրագրերը հիմնված են լինելու ազգային ավանդույթների ու զարգացման վրա։ Այս պահին տեղին են ունենում լայնամասշտաբ կոնսուլտացիաներ՝ համախոհների եւ պոտենցիալ գործընկերներ հետ, եւ միայն բոլոր հնարավոր քննարկումներից հետո մենք առաջ կքաշենք ծրագրային դրույթներն ու «ճանապարհային քարտեզը»,- հայտարարել է Ա.Վանեցյանը՝ «Ինտերֆաքս» գործակալությանը տված հարցազրույցում։
Նրա խոսքերով՝ ներկայումս Հայաստանում կուտակվել են բազմաթիվ խնդիրներ, որոնք շուտափույթ լուծում են պահանջում, իսկ կառավարությունը հեռացել է 2018 թվականի գարնանը տեղի ունեցած թավշյա հեղափոխության նպատակներից։
ԱԱԾ նախկին տնօրենը կարծում է, որ Հայաստանում վերադարձ անցյալին չի լինելու։ Միաժամանակ Վանեցյանը նշել է, որ դեմ է հասարակությանը կոշտ քաղաքական սահմանազատմանը՝ «ով մեզ հետ չէ, ուրեմն մեր դեմ է» սկզբունքով։
