Քասախ գյուղում ծեծկռտուք և դանակահարություն է տեղի ունեցել, կա զոհ          Թուրքիայում նավթահորում պայթյունի հետևանքով կա զոհ և վիրավորներ       Կալանավորվել են Թուրքիայի 2 քաղաքացիներ՝ ՀՀ սահմանը կեղծ փաստաթղթերով հատելու համար    

20 փետ 2020 15:44

Տեսանյութ,Հայկ Սարգսյանը հրաժարվեց ցուցմունք տալ. նա իրեն մեղավոր չի ճանաչում

Սերժ Սարգսյանի եղբորորդին՝ Հայկ Սարգսյանը հրաժարվեց ցուցմունք տալ դատարանում։ Նախագահող դատավոր Աննա Դանիբեկյանը պարզաբանեց, որ դա իր իրավունքն է և այդ պարագայում հրապարակվում է Հայկ Սարգսյանի նախաքննական ցուցմունքը։
Սարգսյանը, նախաքննական ցուցմունքում, ասել է, որ իրեն մեղավոր չի ճանաչում՝ առաջադրված մեղադրանքում։ Բացի այդ՝ խնդրել է բացատրել, թե ինչ է նշանակում՝ իր կամքից անկախ հանցագործությունն ավարտին չհասց’ել և ինչ է նշանակում որովայն և մարմնի որ հատվածն է դա։
Ամբաստանյալ Հայկ Սարգսյանը հրաժարվեց պատասխանել հարցերին և հայտարարեց, որ իրեն մեղավոր չի ճանաչում։
Հիշեցնենք, որ Հայկ Սարգսյանը մեղադրվում է սպանության փորձի և ապօրինի կերպով հրազեն ձեռք բերելու և պահելու համար՝ ՀՀ քրեական օրենսգրքի 34-104-րդ հոդվածի 1-ին և 235-րդ հոդվածի 1-ին մասերով։
Ըստ մեղադրանքի՝ Հայկ Սարգսյանը 2007 թվականի ապրիլի 1-ին` ժամը 16:00-ի սահմաններում, իր բնակության վայրի` Երևան քաղաքի Թումանյան փողոցի 11շենքի 14 բնակարանի նկուղային հարկում գտնվող սենյակում, քննությամբ չպարզված հանգամանքներում ապօրինի ձեռք բերած և պահվող, հրազեն հանդիսացող «SIGSAUER» տեսակի «P266» մոդելի ատրճանակով Դավիթ Սիմոնյանին ապօրինաբար կյանքից զրկելու դիտավորությամբ կրակել է վերջինիս որովայնին, սակայն հանցագործությունն ավարտին չի հասցրել իր կամքից անկախ հանգամանքներում:


Մեկնաբանություններ


Համընկնող լուրեր