20:37 - Դրամն սկսեց ամրապնդվել. դոլարի փոխարժեքը նվազել է, եվրոն նույնպես էժանացել է         16:27 - Վարչապետը ծանոթացել է թոքերի արհեստական շնչառության սարքերի վերանորոգման աշխատանքներին      16:08 - Իտալիայում բուժեղբայրը սպանել է ընկերուհուն, ինչից հետո փորձել է ինքնասպան լինել    

19 մար 2020 13:10

Շաքարավազի 201 օրվա պաշար ունենք, հավի մսի 64 օրվա պաշար. Փաշինյանը թվեր ներկայացրեց

Հայաստանը պարենային պահովվածության խնդիրներ չունի, սննդի բավական շատ պաշարներ ունենք: Այս մասին այսօր՝ մարտի 19-ին, կառավարության նիստում հայտարարեց ՀՀ վարչապետ Նիկոլ Փաշինյանը:
Նրա խոսքով, օրինակ 2 օր առաջվա դրությամբ շաքարավազի 201 օրվա պաշար ունի Հայաստանը. «Հավի մսի 64 օրվա պաշար ունենք, ձեթի 38 օրվա պաշար ունենք: Միաժամանակ միայն ամսի 18-ին 38 բեռնատար սննդամթերք է մուտք գործել Հայաստան, այդ թվում 18 տոննա ձեթ, 220 տոննա շաքար, 145 տոննա ցորեն, 15 տոննա հրուշակեղեն, 20 տոննա սիսեռ, նաեւ արեւածաղկի սերմ, դդմի սերմ, սառեցված միս, կարտոֆիլ եւ այլն:
Լիարժեք ապահովված ենք նաեւ բենզինով եւ դիզվառելիքով եւ ներմուծվում է այս պահին»,-ասաց վարչապետը:
Իր հերթին ՏՄՊՊՀ նախագահ Գեղամ Գեւորգյանը նշեց, որ չհաշված ներմուծումները Հայաստանը բենզինի առնվազն 3 ամսվա պաշար ունի, դիզվառելիքի 1,5 ամսվա պաշար. «Ցորենի մեծպաշար ունենք, որից նաեւ հացն է ստացվում: Այսինքն ալյուրի եւ ցորենի մասով հանգիստ կարող ենք լինել»:
ՀՀ վարչապետը նկատեց, որ երեկ արդեն առեւտրի ծավալների էական անկում է արձանագրվել, քանի որ մարդիկ էնքան բան են առել ու տները լցրել, որ հիմա ուզենան էլ, դժվար կլինի ձեռք բերել:


Մեկնաբանություններ

Համընկնող լուրեր