Վրաստանի պաշտպանության ուժերը կորոնավիրուսի պատճառով անցնում են զորանոցային իրավիճակի
Վրաստանի պաշտպանության ուժերը կորոնավիրուսի պատճառով անցնում են զորանոցային իրավիճակի: Այս մասին հայտարարել է Վրաստանի պաշտպանության նախարար Իրակլի Ղարիբաշվիլին, հաղորդում է «Նովոստի Գրուզիա»-ն:«Զորանոցային իրավիճակի ժամանակ զինվորներին կարգելվի լքել ռազմաբազան: Այդ կանխարգելիչ միջոցները զգալիորեն կնվազեցնեն բազայում վիրուսի տարածման հնարավորությունը: Նման իրավիճակի անցումը նպատակ ունի պաշտպանել զինծառայողներին եւ նրանց ընտանիքի անդամներին»,- ասել է նախարարը:
Ղարիբաշվիլին հիշեցրել է նաեւ այն միջոցների մասին, որոնք ՊՆ-ն ձեռնարկել է՝ կառավարության կոորդինացիոն միջգերատեսչական խորհրդի խորհուրդների հիման վրա:
Հատուկ խմբերը կստուգեն զինծառայողների ջերմությունը: Շենքերում հասանելի են համապատասխան ախտահանող եւ հիգիենիկ միջոցները:
