17:00 - Փողոցում բաժանվող դիմակները ձեռք են բերվել վարչապետի ազգականների անվան հետ կապվող գործարանից պետբյուջեի միջոցների հաշվին         16:34 - Նոր մահացու այս վիրուսը վտանգավորության աստիճանով գերազանցում է նոր տեսակի կորոնավիրուսը      16:03 - Բա ոնց կլինի՝ մշտական բնակության եկած մոտ 40 ընտանիքների մեքենաները մինչեւ հիմա ՊԵԿ-ում է, գույքն էլ մեջը    

24 մար 2020 16:24

Կորոնավիրուսով հիվանդացած մարդկանց մոտ այդ վարակի դեմ իմունիտետ է առաջանում. ՌԴ գլխավոր սանիտարական բժիշկ

Ռոսպոտրեբնադզորի ղեկավար Աննա Պոպովան բացատրել է, թե ինչու կորոնավիրուսով հիվանդացած մարդը մեկ անգամ եւս վարակվելուց չպետք է վախենա: 59-ամյա փորձագետն ասել է, որ COVID-19-ից վերականգնվելուց հետո մարդու մարմնում իմունիտետ է առաջանում:
ՌԴ գլխավոր սանիտարական բժիշկը հերքել է տարածված տեսակետը, որ մարդը կորոնավիրուսով կարող է մի քանի անգամ հիվանդանալ: Ռոսպոտրեբնադզորի ուսումնասիրությունները հաստատել են, որ COVID-19 ախտորոշված ​​հիվանդների արյան մեջ հայտնվում են M և G իմունոգլոբուլինները, որոնք օրգանիզմը պաշտպանում են հետագա վարակից:
«Այսօրվա հետազոտությունները ցույց են տալիս, որ, այո՛, իմունիտետը առաջանում է նոր կորոնավիրուսով վարակվելուց հետո», — հայտարարել է Պոպովան «Պոզներ» հեռուստածրագրի ժամանակ:

Ռուսաստանում, վերջին տեղեկությունների համաձայն, 438 մարդ վարակվել է կորոնավիրուսով: Տեղի գիտնականները մշակել են վեց պատվաստանյութեր, որոնք կարող են կանխել հիվանդության տարածումը: Այժմ դրանք փորձարկվում են. հաջող արդյունքից հետո պատվաստանյութերը գործնականում կօգտագործվեն:

Մեկնաբանություններ

Համընկնող լուրեր