17:30 - Աշխատավարձը նախարարների միակ կամ նույնիսկ հիմնական եկամուտը չի         16:27 - Վրացի հաղորդավարի հայատյաց հայտարարությունը սուր քննադատության է արժանացել Վրաստանում      16:03 - Ի՞նչ աջակցություն կարող են ստանալ նրանք, ովքեր իրենց բիզնեսը հիմնել են այս տարվա հունվարից    

26 մար 2020 10:36

Թուրքիայից տիրապետում եմ որոշակի թվերի, սակայն առայժմ նպատակահարմար չեմ գտնում հրապարակել

Թուրքագետ, քրդագետ Կարեն Հովհաննիսյանը ֆեյսբուքյան իր էջում գրել է.
«Թուրքիայում վիրուսից մահացածների թիվը 44-ն է, իսկ վարակակիր՝ 1872: Հետաքրքիր է, որ Թուրքիայից դուրս Թուրքիայի քաղաքացիներից մահացածների թիվը 32 է: Այսինքն դրսում և Թուրքիայի տարածքում գրեթե նույն թվով քաղաքացիներ են մահացել վիրուսից:
Իհարկե, ինձ համար Թուրքիայի պաշտոնական թվերը իրական չեն, քանի որ ինքս իմ աղբյուրներով ունեմ այն ինֆորմացիան, որը հենց արտացոլում է իրականությունը: Թուրքիայի 81 նահանգներում իհարկե չունեմ ինֆորմացիայի աղբյուրներ , բայց այն նահանգներում, որտեղ ունեմ, գրեթե նույնությամբ նույն խնդիրներով ու գործողություններով է:

Թուրքիայի հարավ-արևելյան, արևելյան և կենտրոնական նահանգներում անգամ ջերմություն ունենալու դեպքում, կամ կորոնավիրուսի առերևույթ նախանշաններ ունենալու դեպքում չեն թեստավորում մարդկանց, ավելին, հորդորում են մնալ տանը:


Հարավ-արևելյան նահանգների ութ քաղաքի քաղաքապետի աշխատանքից ազատել են, քանի որ նրանք փորձել են իրավիճակի մասին տալ ճիշտ տեղեկատվությունը, չնայած քաղաքապետերի ազատումը պաշտոնական Թուրքիան կապում է PKK-ի հետ կապ ունենալու հետ:
Ինքս տիրապետում եմ որոշակի թվերի, սակայն առայժմ նպատակահարմար չեմ գտնում այդ թվերը հրապարակել»:
***
Թուրքիայում մարտի 25-ի դրությամբ կորոնավիրուսից մահացածների թիվը հասել է 59-ի: Այս մասին Twitter-ի իր էջում տեղեկացրել է Թուրքիայի առողջապահության նախարար Ֆահրեթթին Քոջան:

Նախարարը տեղեկացրել է նաև, որ վերջին օրվա ընթացքում Թուրքիայում արվել է կորոնավիրուսի 5035 թեստ, որոնցից  561-ը հաստատել է վարակի առկայությունը: Այս ժամանակահատվածում գրանցվել է մահվան 15 դեպք:  

Այսպիսով՝ Թուրքիայում կորոնավիրուսով ախտահարման դեպքերի քանակը հասել է 2433-ի:



Մեկնաբանություններ

Համընկնող լուրեր