Մի՛ տարածեք կեղծ լուրեր և մի՛ վախեցրեք քաղաքացիներին.ՌԴ Պետդումայի բոլոր պատգամավորները կորոնավիրուսային թեստավորման կենթարկվեն
ՌԴ Պետդումայի նախագահի խորհրդական Անաստասիա Կաշևարովայի խոսքերով՝ խորհրդարանի բոլոր պատգամավորները մարտի 30-ին կանցնեն կորոնավիրուսային թեստ, հայտնում է ТАСС-ը: Նա շեշտել է, որ այս պահին Դումայում հիվանդության դեպքեր չեն գրանցվել:«Հաջորդ շաբաթ բոլոր այն պատգամավորները, ովքեր հանդիպել են ընտրողների հետ, կվերադառնան Մոսկվա և կաշխատեն նույն շենքում, իսկ լիագումար նիստի ընթացքում՝ նույն տարածքում … Նախքան լիագումար նիստերի շաբաթը սկսելը ճիշտ կլինի, որ բոլոր պատգամավորները մարտի 30-ին նոր կորոնավիրուսի առկայությունը ստուգող թեստավորման ենթարկվեն»,- Telegram-ում գրել է Կաշևարովան:
«Պետդումայում կորոնավիրուսի ոչ մի դեպք չի գրանցվել: Մի՛ տարածեք կեղծ լուրեր և մի՛ վախեցրեք քաղաքացիներին: Երկու տեղակալները մեկուսացված են, քանի որ շփում են ունեցել այն անձի հետ, ում մոտ կասկածվել է կորոնավիրուս: Մենք, մեր կողմից, ձեռնարկում ենք բոլոր անհրաժեշտ կանխարգելիչ միջոցառումները»,- ավելացրել է նա:
