Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս          Մարդը չի կարողացել անգամ արցախցիներին անվտանգ բենզին բաժանել, բայց հիմա խորհուրդ է տալիս Հայաստանին       Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ    

14 ապր 2020 14:55

Ապագայում ավելի բարդ ժամանակներ են սպասվում, աջակցության ծրագրերը կարող են դառնալ պետական ծրագրի մի մաս

«Աջակցության ձևերը կարող են տարբեր լիենլ, կարող են կրկնվել, լինել միանավագ կամ պարզապես դառնալ պետական ծրագրի մի մաս, որ շատ ավելի երկարատև է, քան միանվագը կամ երկու անգամը, բայց այս պահին դեռ որոշում չկա»,- ապրիլի 14-ին լրագրողի հարցին ի պատասխան, որ հնարավոր է, որ միանվագ աջակցությունը տրամադրվի նաև արտակարգ դրության 2-րդ ժամկետի համար, ասաց ՀՀ աշխատանքի և սոցիալական հարցերի նախարար Զարուհի Բաթոյանը:

Կառավարության մամուլի սրահում կայացած ասուլիսի ժամանակ նախարարը նաև նշեց, որ ձեռնարկված սոցիալ-տնտեսական միջոցառումները բավարար չեն, իսկ արդեն հայտարարվածները պարզապես իրավիճակային աջակցություն են, որոնք ուղղված են հետևանքների մեղմմանը:


«Ապագայում մեզ, ամենայն հավանականությամբ, ավելի բարդ ժամանակներ են սպասվում, ուստի անհրաժեշտ է առանձին միջոցառումներից պետական ծրագրերի անցնել», – ասաց Բաթոյանը:

Զարուհի Բաթոյանը նաև տեղեկացրեց, որ բոլոր հարցերի համար քաղաքացիները կարող են դիմել իրենց թեժ գծերին` մասնավորապես 114-ին: Զանգերի մեծ թվի պատճառով ևս մեկ թեժ գիծ է գործարկվել՝ 011 30 0 1 14, որին կարող են զանգել աշխատանքային օրերին: Միայն վերջին 5 օրվա ընթացքում ավելի քան 45000 զանգ է ստացվել:

Մեկնաբանություններ


Համընկնող լուրեր