17:00 - Մահացել է ԱԺ նախկին նախագահ Արմեն Խաչատրյանը         16:44 - Տիգրան Ավինյանը նոր որոշում է կայացրել.կորոնավիրուսի տարածման դեպքերը շարունակում են ավելանալ Գեղարքունիքի մարզում      16:17 - Որտե՞ղ է ընկել արտասովոր երկնաքարը․ Արտասովոր երեւույթին Կոտայքի մարզի բնակիչներն ականատես էին եղել    

02 մայիս 2020 10:06

Եզակի թեստ, որը կարող է կանխատեսել ուղեղի տրավմաներով եւ անգիտակից վիճակում գտնվող պացիենտների առողջացման շանսերը

Վեյցմանի ինստիտուտից իսրայելցի գիտնականները ստեղծել են եզակի թեստ, որը կարող է կանխատեսել ուղեղի տրավմաներով եւ անգիտակից վիճակում գտնվող պացիենտների առողջացման շանսերը:


Ինչպես հաղորդում է Xinhua-ն, եթե պացիենտը ստանում է ուղեղի ծանր վնասվածք եւ գիտակցությունը չի վերականգնվում, բժիշկների համար շատ բարդ է հասկանալ՝ կա՞ն արդյոք երբեւէ գիտակցության գալու շանսեր: Չկան թեստեր, որոնք օգնում են դա պարզել, եւ արդյունքում բժիշկները կարող են կայացնել սխալ որոշում եւ անջատել պացիենտին միացված կենսապահովման արհեստական սարքերը:


Վեյցմանի ինստիտուտից գիտնականներն ուշադրություն են դարձրել հոտառության համակարգի վրա, որով կարելի է գնահատել ուղեղի վիճակն ընդհանուր առմամբ: Նոր թեստը հիմնվում է հանգամանքի վրա, թե ինչպես է փոխվում քթում օդի հոսանքը՝ ի պատասխան այս կամ այն բույրի: Օրինակ՝ եթե մարդը զգում է տհաճ հոտ, նա սկսում է անել ավելի կարճ եւ ոչ խորը շունչ: Դա գործում է անգամ քնի մեջ:


Գիտափորձի շրջանակում գիտնականները տեղադրել են տարբեր հոտերի աղբյուրները 43 պացիենտների քթի շրջանում: Դրանցից էր շամպունի հաճելի եւ փտած մսի տհաճ հոտը, իսկ երբեմն հոտ առհասարակ չկար: Գիտնականները չափել են քթով շնչած օդի ծավալը: Պարզվել է, որ անգիտակից վիճակում բոլոր պացիենտները, որոնք արձագանքել են հոտերին (փոխվել է շնչած օդի ծավալը), ավելի ուշ գիտակցության են եկել:a


Մեկնաբանություններ

Համընկնող լուրեր