Ապացույցներ կան , որ Covid-19-ը տարածվել է Ուհանի լաբորատորիայից․ Պոմպեո
ԱՄՆ պետքարտուղար Մայք Պոմպեոն հայտարարել է զգալի ապացույցների առկայության մասին, որոնք վկայում են, որ կորոնավիրուսը սկսել է տարածվել չինական Ուհան քաղաքի լաբորատորիայից։ Այս մասին հայտնում է ABC հեռուստաալիքը։«Չինաստանը նախկինում էլ վարակել է աշխարհը, նրանք նախկինում էլ ունեին չափորոշիչներին չհամապատասխանող լաբորատորիաներ։ Առաջին անգամ չէ, որ աշխարհը ենթարկվում է չինական լաբորատորիայում սխալի պատճառով հայտնված վիրուսի ազդեցությանը»,-հայտարարել է նա։
Պոմպեոն հավելել է, որ այժմ հետախուզությունը հավաքում է վիրուսի տարածման վերաբերյալ ողջ ինֆորմացիան։
