Ինչպես կարող են Երևանի իշխանություններն իրենց երկիրն անվտանգ համարել, երբ նրա տարածքի որոշ հատվածներ արդեն օկուպացված են ադրբեջանցիների կողմից          Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ       Պարզվել է վանաձորցի 20-ամյա հղի կնոջ մահվան պատճառը    

04 մայիս 2020 11:52

Աշխարհի մեծաթիվ երեխաների սպառնում են կարմրուկ ու պոլիոմելիտ հիվանդությունները

ՄԱԿ-ի մանկական հիմնադրամը`ՅՈՒՆԻՍԵՖ-ը նախազգուշացնում է, որ կովիդ 19 հիվանդության պատճառով ուժի մեջ մտած երթևեկության սահմանափակումների արդյունքում նոր զարգացող տանյակ երկրներ չեն ստանում երեխաների համար նախատեսված պատվաստանյութեր:


Կազմակերպությունն անցյալ տարի գնել էր պատվաստանյութերի 2 միլիարդ 500 միլիոն չափաբաժին, ինչը բավականացնում է 100 երկրներում 5 տարեկանից ցածր տարիք ունեցող երեխաների 45 տոկոսին:


Սակայն պատվաստանյութերն այժմ մնացել են պահեստներում, երբ տասնյակ երկրներ ունեն դրանց հրատապ կարիքը: Հատկապես մեծ վտանգի տակ են Սահարայի անապատից հարավ գտնվող աֆրիկյան 26 երկրներ: Այս մասին գրում է Ամերիկայի Ձայնը։


Ինչպես ՅՈՒՆԻՍԵՖ-ի մամլո խոսնակն է ասել, փոխադրամիջոցների գների չափազանց մեծ աճն էլ իր հերթին է բարդացնում խնդիրը: Նրա խոսքերով, բեռնափոխադրումների գներն աճել են 100-ից 200 տոկոսով:


Այսպիսի պայմաններում սահմանափակ հնարավորություններ ունեցող երկրներում երեխաները դառնում են խոցելի այնպիսի հիվանդությունների առջև, ինչպիսիք են կարմրուկն ու պոլիոմելիտը: Իսկ պոլիոմելիտն այն հիվանդություններից է, որի դեպքում երեխաները հաշմանդամ են մնում ողջ կյանքում, կամ` զոհ գնում հիվանդությանը:


Առանց այն էլ, մինչև կորոնավիրուսի տարածումը, տարբեր այլ հիվանդությունների համար աշխարհում խոցելի էր մինչև մեկ տարեկան ավելի քան 20 միլիոն երեխա:


ՄԱԿ-ի մանկական հիմնադրամը հորդորում է աշխարհի երկրներին գտնել փոխադրումները ժամանակին իրականացնելու համար հատուկ ֆինանսավորում, քանի որ հատկապես առողջապահական թույլ համակարգեր ունեցող երկներում երեխաների պատվաստումների ընթացքի խափանումը կարող է այս տարվա ընթացքում դառնալ այդ հիվանդությունների բռնկման պատճառ:

Մեկնաբանություններ


Համընկնող լուրեր