Նոր ռեկորդ. Հայաստանում մեկ օրվա ընթացքում գրանցվել է կորոնավիրուսի 351 նոր դեպք. 1 պացիենտ մահացել է
Հայաստանում մայիսի 18-ի ժամը 11:00-ի դրությամբ նոր կորոնավիրուսով վարակվելու 351 նոր դեպք է գրանցվել: Այս մասին հայտնում է ՀՀ ԱՆ հիվանդությունների եւ վերահսկման եւ կանխարգելման ազգային կենտրոնը:Ընդհանուր առմամբ՝ մայիսի 18-ին հաստատվել է կորոնավիրուսի 4823 դեպք:
Ընդհանուր թեստերի թիվը կազմում է 41850 (վերջին մեկ օրում՝ 1620): Փաստացի այս պահին բուժվում է 2718 անձ (մեկ օրում ավելացել է 255-ով):
Վերջին տվյալներով ապաքինվել է 2019 անձ (վերջին մեկ օրում՝ 94 մարդ), 61 պացիենտ մահացել է (ավելացել է 1-ով):
Պացիենտը եղել է 84 (տղամարդ) տարեկան և ունեցել է ուղեկցող քրոնիկական հիվանդություններ:
