30 մասնագետներից բաղկացած թիմ.Ֆրանսիայում 30 տարում առաջին անգամ վեցյակ է լույս աշխարհ եկել
Ֆրանսիայում վերջին 30 տարվա ընթացքում առաջին անգամ վեցյակ է ծնվել՝ հինգ աղջիկ և մեկ տղա: Այս մասին հայտնում է RTL ռադիոկայանը։ Երեխաները ծնվել են Ստրասբուրգի հիվանդանոցում: Նշվում է, որ կինը ենթարկվել է ձվարանների խթանման: Բժիշկները ստիպված են եղել դիմել կեսարյան հատման:Վեց երեխաների կյանքի համար պատասխանատու է եղել 30 մասնագետներից բաղկացած թիմը։ Նորածիններին տեղափոխել են վերակենդանացման բաժանմունք, հիվանդանոցում նրանք ևս մի քանի ամիս կանցկացնեն:
Ծննդյան պահին նորածինները կշռել են 630-ից մինչև 730 գրամ:
Հայտնի է, որ մայրն ունի ևս երկու երեխա։
Վերջին անգամ Ֆրանսիայում վեցյակ ծնվել է 1989 թվականին Փարիզի հիվանդանոցներից մեկում։
