54 անձ աղեստամոքսային խանգարում է ստացել «Սուրբ Գրիգոր Լուսավորիչ» ԲԿ-ում, նրանց թվում՝ երկու հղի          Աշակերտների շրջանում ուշագնացության դեպքեր կան, մասսայական ագրեսիվ վարքի դրսևորումներ       Արցախում պայմանագրային զինծառայող է մահացել    

23 մայիս 2020 15:07

Մոսկվան պատրաստվում է կորոնավիրուսով վարակման երկրորդ ալիքին

Մոսկվայի բնակիչների պոպուլյացիոն իմունիտետի վերաբերյալ նոր հետազոտությունը քաղաքին կօգնի նախապատրաստվել նոր կորոնավիրուսային ինֆեկցիայի երկրորդ ալիքին: Այս մասին լրագրողներին հայտնել է ՌԴ մայրաքաղաքի առողջապահության դեպարտամենտի ղեկավար Ալեքսեյ Խրիպունը, փոխանցում է ՏԱՍՍ-ը:


«Այս հետազոտությունը (պոպուլյացիոն իմունիտետի) բժիշկներին, սանիտարական բժիշկներին, համաճարակաբաններին թույլ կտա պատրաստվել հաջորդ ալիքին, եւ այն, ամենայն հավանականությամբ, այս կամ այն չափով արտահայտված կլինի: Պոպուլյացիոն իմունիտետի մասին գիտելիքը թույլ կտա ընդունել կարեւոր կառավարչական որոշումներ»,- ասել է Խրիպունը:


Ավելի վաղ հաղորդվում էր, որ Մոսկվայում արդեն ավելի քան 50 հազար մարդ կորոնավիրուսի դեմ հակամարմինների առկայության ստուգման թեստ է անցել: 12,5 տոկոսի մոտ հայտնաբերվել է G իմունոգլոբուլին:


Մայիսի 15-ին Մոսկվան գործարկել է կորոնավիրուսի դեմ հակամարմինների ստուգման քաղաքացիների լայնածավալ եւ անվճար թեստավորման ծրագիրը: Յուրաքանչյուր մի քանի օրը մեկ հետազոտությունն անցնելու հրավեր կստանա մինչեւ 70 հազար մարդ:

Մեկնաբանություններ

Համընկնող լուրեր