Յուրաքանչյուր մարզի կհատկացվի 5 մլն դրամ` ինքնամեկուսացված անձանց սնունդ ու սանիտարահիգիենիկ պարագաներ հատկացնելու համար
50 մլն դրամ կհատկացվի ՀՀ մարզերին՝ յուրաքանչյուրին 5-ական մլն դրամ, որի շրջանակներում նախատեսվում է բժշկի ցուցումով ինքնամեկուսացված՝ սոցիալապես խոցելի խմբերին հատկացնել սննդամթերք, սանիտարահիգիենիկ պարագաներ և ապահովել դրանց տեղափոխման, պահեստավորման և բաշխման աշխատանքները:Այս մասին որոշումն ընդունեվեց այսօր՝ մայիսի 27-ին, Կառավարության նիստի ժամանակ:
Այդ խմբերին կհատկացվեն սպիտակ ալյուր, հաճար, հնդկաձավար, ոսպ, սպիտակ բրինձ, բուսական յուղ, շաքարավազ, յոդացված աղ, օճառ, լվացքի փոշի, ժավել, ալկոգել:
