10:48 - Արսեն Թորոսյանը վրեժ է լուծում. հասկացրել է, որ Բժշկական համալսարանի հիվանդանոցները պատրաստ են քովիդ բուժել. «Հրապարակ»         10:36 - Արարատ Միրզոյանը, որը լուրջ կամուջներ էր կապել Ծառուկյանի հետ, ստիպված էր եղել «քֆուր» ուտել Նիկոլի մոտ.«Իրատես»      10:17 - Հետախուզման մեջ գտնվող Միհրան Պողոսյանը ՌԴ-ում բարելավվել է իր բիզնեսը. հանդիպել է Գեւորգ Կոստանյանի ու Ռուբեն Հայրապետյանի հետ.«Իրավունք»    

01 հուլ 2020 13:15

Ծառուկյանը «Էրեբունի» ԲԿ-ում կաթիլային է ստանում

«Բարգավաճ Հայաստան» կուսակցության առաջնորդ, ԱԺ պատգամավոր Գագիկ Ծառուկյանի ինքնազգացողությունը լավ է։ Sputnik Արմենիայի հետ զրույցում Ծառուկյանի փաստաբան Էմին Խաչատրյանը կորոնավիրոսւով վարակված Ծառուկյանի առողջական վիճակի մասին որոշ մանրամասներ հայտնեց։


«Պարոն Ծառուկյանն իրեն լավ է զգում։ Մի փոքր ջերմում է։ Նա իրեն պատկանող սեփականություններից մեկում շարունակում է մեկուսացած մնալ, միայն թե գնում է «Էրեբունի» ԲԿ` կաթիլային ստանալու։ Սակայն Ծառուկյանը հոսպիտալացված չէ, և կաթիլայինը ստանալուց հետո տուն է վերադառնում»,–ասաց պաշտպանը։
Հիշեցնենք` երեկ Ծառուկյանը Facebook-ի իր էջում տեսանյութ էր հրապարակել, որում ասում էր, թե «լավ մարդկանց կորոնավիրուսը չի կպնում», և կից գրել էր. «Փաստորեն բարի մարդկանց ևս կորոնավիրուսը չի շրջանցում»։


Հունիսի 29-ին հայտնի էր դարձել, որ կորոնավիրուսով է վարակվել նաև Ծառուկյանի որդին` Նվեր Ծառուկյանը։


ԲՀԿ–ից էլի վարակվածներ կան. դեռևս հունիսի 23-ին կորոնավիրուսով վարակված լինելու մասին ֆեյսբուքյան իր էջում տեղեկացրել էր Ազգային ժողովի փոխնախագահ, ԲՀԿ խմբակցության պատգամավոր Վահե Էնֆիաջյանը։ Ավելի ուշ հայտնի դարձավ, որ կորոնավիրուս է հայտնաբերվել նաև ԲՀԿ–ական պատգամավոր Իվետա Տոնոյանի, ինչպես նաև խմբակցության քարտուղար Արման Աբովյանի մոտ։




Մեկնաբանություններ

Համընկնող լուրեր