ՈՒղիղ. «Նամակում գրված էր, որ 3 ռումբերը կգործարկվեն օրվա ընթացքում»․ «Երևան մոլ»-ի գլխավոր տնօրեն
«Երևան մոլ»-ի գլխավոր տնօրեն Վազրիկ Սեկոյանը լրագրողների հետ զրույցում քիչ առաջ հայտնեց, որ ռումբի մասին նամակ են ստացել էլփոստով՝ անհայտ բաժանորդից, որտեղ ռուսերենով գրված է եղել, որ մոլի տարածքում 3 ռումբ է տեղադրված։ «Անմիջապես հայտնեցինք համապատասխան մարմիններին, որոնք արագ ժամանեցին ու հիմա կատարվում է զննություն։ Հաղորդագրության հեղինակը նշում էր, որ ռումբերը կգործարկվեն օրվա ընթացքում»,- ասաց տնօրենը։***
«Բոլոր ծառայություններն իրենց աշխատանքն ավարտեցին, ռումբ չի հայտնաբերվել։ Հիմա լրացուցիչ ախտահանում կանենք, որից հետո կբացենք դռները հաճախորդների համար։ Մեյլով կզբաղվեն իրավապահները»,- քիչ առաջ լրագրողների հետ զրույցում ասաց «Երևան մոլ»-ի գլխավոր տնօրեն Վազրիկ Սեկոյանը։
.jpg)
