Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ          Տեսանյութ.Արա, դուք վախեցած եք,Ճիշտ եք անում, որ վախենում եք.պահը մոտենում է.ինչ պլանավորել ենք, անելու ենք       Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս    

15 հուլ 2020 11:54

Վիրավոր զինծառայողներից մեկի վիճակը ծայրահեղ ծանր է. ՊՆ

Հուլիսի 12-ից սկսած հայ-ադրբեջանական պետական սահմանագոտու հյուսիսարևելյան հատվածում ծավալված մարտական գործողությունների ընթացքում հայկական կողմն ունեցել է ընդհանուր մոտ երկու տասնյակ վիրավորներ, այդ թվում նաև երկու ոստիկանները։ Իջևանում` ճգնաժամային տեղեկատվական կենտրոնում կայացած ճեպազրույցում ասաց ՀՀ պաշտպանության նախարարության նախկին մամուլի խոսնակ, Վազգեն Սարգսյանի անվան ռազմական համալսարանի հրամանատարաշտաբային ֆակուլտետի պետ Արծրուն Հովհաննիսյանը:


«Վիրավորների կեսը թեթև, աննշան վնասվածքներ են ունեցել, մեկ-երկու ժամ հետո վերադարձել  են շարք իրենց խնդիրը կատարելու»,- նշեց նա։


Ա. Հովհաննիսյանի հաղորդմամբ, այս պահին Հայաստանի բուժհաստատություններում բուժվում է 10 վիրավոր,  որոնցից 5-ը թեթև վնասվածներ են ստացել, 5-ի վիճակը  միջին է կամ մի քիչ ավելի ծանր միջից։ Բժիշկների հավաստմամբ, նրանց կյանքին վտանգ չի սպառնում։


Նա ասաց, որ 5 վիրավորներից մեկի վիճակը ծայրահեղ ծանր է։


Հիշեցնենք որ ՀՀ պաշտպանության նախարարության մամուլի խոսնակ Շուշան Ստեփանյանը հայտնել է. «Հայ-ադրբեջանական պետական սահմանագոտու հյուսիսարևելյան հատվածում ծավալված գործողությունների ընթացքում տարբեր աստիճանի վիրավորումներ ստացած տասը զինծառայող այժմ բուժում է ստանում։


Մեկ զինծառայող ծայրահեղ ծանր վիճակում է։


Հինգ զինծառայողի վիճակը գնահատվում է միջին ծանրության` դրական դինամիկայով։
Մյուսներն առաջիկա մեկ շաբաթվա ընթացքում կվերադառնան շարք։
Առողջություն և շուտափույթ ապաքինում տղաներին, իսկ զինվորական բժիշկները, իրոք, պատվով են կրում իրենց վեհ կոչումը»։






Մեկնաբանություններ


Համընկնող լուրեր