Տեսանյութ.Երգիչ Մհեր Արմենիան Շուռնուխից ոտքով գալիս է Երևան. պահանջում է Փաշինյանի հրաժարականը          «Արեք դա հանուն առաջնագծում իր կյանքի գնով մեր խաղաղության համար պայքարող տղերքի». Արմեն Մուրադյանը խնդրանքով դիմել է կանանց       Սրանք թուրքական խաղաղասիրությամբ ծանր հիվանդ են, այդպիսի հիվանդները չեն բուժվում, մեռնում են    

24 հուլ 2020 11:34

Սա բացառիկ հաղթանակ է մերոնց համար.Եվս մեկ հաղթանակ Բանաձևային պատերազմում

Քաղաքագետ Սուրեն Սարգսյանը հայկական կողմի հաղթանակ է որակում ԱՄՆ Ներկայացուցիչների պալատի կողմից՝ նախօրեին քվեարկությամբ աջակցություն հայտնելը Արցախին օգնություն  տրամադրելու փոփոխությանը։


«Եվս մեկ հաղթանակ «Բանաձևային պատերազմում: Արցախի ականազերծման ծրագիրը հաստատվեց:


Հայկական կազմակերպություններին հաջողվել է Կոնգրեսի Ներկայացուցիչների Պալատում հաստատել Արցախի ականազերծման ծրագիրը: Այս ծրագրի դեմ աննախադեպ ակտիվ աշխատել է Ադրբեջանը` բոլոր ուղղություններով: Սենատում հաստատվելուց հետո այն կգնա նախագահի ստորագրմանը: Այս պահին ծրագիրը պահպանելու շանսերը մեծ են:


Սա բացառիկ հաղթանակ է մերոնց համար, քանի որ ԱՄՆ անվտանգության խորհուրդը լուրջ աշխատում էր ադրբեջանցիների հետ` ծրագիրը դադարեցնելու համար:


Սենատում էլ դեռ աշխատանք կա անելու, որը վստահ եմ հայկական երկու կազմակերպությունները հաջողությամբ կանեն»,-գրել է նա։


Ավելի վաղ հայտնել էինք, որ փոփոխությունը նախատեսում է 1,4 միլիոն ԱՄՆ դոլարի օգնություն՝ HALO Trust-ի կողմից իրականացվող ականազերծման շարունակական ջանքերի համար:


Հիշեցնենք, որ շուրջ երեք ամիս առաջ որոշում էր կայացվել Արցախում հումանիտար ականազերծման համար տրամադրվելիք 1.4 մլն դոլար օգնությունը հատկացնել մեկ այլ՝ կրթական և մշակությային փոխանակման ծրագրի:


Ականազերծման և վերականգնման ջանքերին աջակցելու Արցախին շարունակվող օգնությունը ANCA- ի  քաղաքականության առաջնահերթությունների առանցքային մասն է եղել `ապահովելու Արցախի անվտանգությունն ու ազատությունը: ANCA- ի հովանու ներքո գտնվող Միացյալ Նահանգների HALO Trust- ը ականազերծում է կատարում Արցախում 2001 թվականից:


 

Մեկնաբանություններ

Համընկնող լուրեր